US regulators susihon ang testosterone therapy para sa menopausal women

Susihon sa U.S. health regulators niadtong Huwebes ang scientific evidence bahin sa paggamit sa testosterone sa menopausal women, lakip ang mga benepisyo, peligro, tukmang dosage ug papel niini sa panglawas sa kababayen-an, ingon man ang mga panglantaw sa doctors ug patients.

Gihimo ang public meeting, nga matod sa U.S. Food and Drug Administration mahimong makatabang sa paggiya sa umaabot nga research ug drug development, samtang nagkadaghan ang mga babaye nga naggamit og testosterone aron makatabang sa menopause symptoms.

Walay testosterone therapy alang sa kababayen-an nga giaprobahan sa FDA, bisan pa sa dugay nang off-label use niini aron matambalan ang ubos nga sexual desire, nga nailhan nga hypoactive sexual desire disorder, o HSDD.

Sa miaging tuig, gitangtang sa FDA ang boxed warning bahin sa mas taas nga cardiovascular risk gikan sa testosterone products alang sa mga lalaki human gisusi ang post-marketing studies, apan nagpabilin ang warnings sa mga produkto bahin sa pagtaas sa blood pressure.

Ang mga physician nga nagreseta og testosterone sa mga babaye kasagarang nagsalig sa ubos nga dosage sa mga produktong giaprobahan alang sa mga lalaki. Kasagaran nilang bahinon ang existing products sama sa AbbVie’s ABBV.N AndroGel ug Keenova Therapeutics’ Testim, o mogamit og compounded formulations.

Matod ni Dr. Diana Tordoff, instructor sa obstetrics and gynecology sa Stanford, ang kakulang sa produkto nga espesipiko alang sa kababayen-an naghatag og praktikal nga mga hagit sa clinicians. Iyang giingon nga ang usa ka approved product mahimong makahatag og standardized dosing, labeling ug safety-monitoring guidance ug posibleng makapaayo sa insurance coverage.

Bisan pa, matod sa pipila ka experts, adunay importanteng mga pangutana nga wala pa matubag. Gikinahanglan pa ang dugang nga long-term safety data, matod ni Dr. Stephanie Faubion, director sa Mayo Clinic’s Center for Women’s Health.

Giaprobahan o gihatagan og lisensya sa United Kingdom, Australia, New Zealand ug South Africa ang testosterone products nga espesipiko alang sa kababayen-an.

Nakakuha og gatosan ka submissions ang hangyo sa FDA alang sa public comments sa wala pa ang meeting, diin daghang babaye ang naghulagway sa pag-uswag sa ilang libido, energy ug quality of life samtang naggamit og testosterone.

EBIDENSIYA UG MGA KULANG SA SAFETY DATA

Misaka ang interes sa testosterone taliwala sa menopausal women uban sa mga claim sa social media nga makatabang kini sa energy, muscle mass, bone health ug cognition, bisan pa nga matod sa specialists, pinakalig-on ang ebidensiya alang sa HSDD.

"We do not have any evidence in women that it will improve muscle mass or bone density or mood or well-being or really any other metric," matod ni Faubion.

Matod ni Dr. Karen Adams, director sa Stanford Medicine’s Program in Menopause and Healthy Aging, upat na ka higayon nga gisusi sa FDA ang testosterone alang sa paggamit sa kababayen-an apan wala kini maaprobahi tungod sa kakulang sa long-term safety data ug mga kabalaka bahin sa cardiovascular ug breast cancer risks.

Giaprobahan sa FDA ang mga opsyon nga dili testosterone sama sa Sprout Pharmaceuticals’ Addyi ug Cosette Pharmaceuticals’ Vyleesi alang sa pipila ka patients nga adunay HSDD.

Kasagarang dili irekomenda ang testosterone alang sa mga babaye nga adunay history sa breast cancer tungod kay mahimo kining mausab ngadto sa estrogen sulod sa lawas, nga mahimong makapalambo sa pipila ka matang sa cancer.

Matod sa mga physician, ang sobra nga exposure sa testosterone mahimong hinungdan sa acne ug pagdaghan sa pagtubo sa buhok, samtang ang mas talagsaong epekto sama sa paglalom sa tingog ug pagkalarot sa buhok mahimong dili na mabalik.

Gipakita sa mga pagtuon nga ang testosterone therapy kasagarang giisip nga luwas alang sa mga lalaki nga medikal nga nakumpirma nga ubos ang lebel sa hormone kon gireseta ug gibantayan sa doctor.

Gipangulohan nila Tordoff ug Adams ang Stanford’s MIX-T pilot study nga nagsusi kung giunsa pag-apekto sa low-dose testosterone ang vaginal health ug vaginal microbiome sa postmenopausal women. Gilauman ang resulta sulod sa sunod nga duha ka tuig.

-Ato ni Bai