%20(100%20x%20100%20px).png)
US Judge Gibasura ang Visa Suspension sa 75 ka Nasud
Gibasura niadtong Biyernes sa usa ka US judge ang polisiya sa Trump administration nga suspende sa pag-isyu og immigrant visas sa mga aplikante gikan sa 75 ka nasud, human iyang giingon nga milapas kini sa statutory authority ni Secretary of State Marco Rubio.
Ato Ni Bai
August 25, 2026 at 7:46:39 AM
FILE PHOTO: US Secretary of State Marco Rubio waves from the top of the steps to his plane as he departs at Ninoy Aquino International Airport in Metro Manila on July 23, 2026, following his visit to attend the Association of Southeast Asian Nations (ASEAN) Foreign Ministers Meeting.
BRENDAN SMIALOWSKI/Pool via REUTERS
Gibasura niadtong Biyernes sa usa ka US judge ang polisiya sa Trump administration nga suspende sa pag-isyu og immigrant visas sa mga aplikante gikan sa 75 ka nasud, human iyang giingon nga milapas kini sa statutory authority ni Secretary of State Marco Rubio.
Miingon si US District Judge Jeannette Vargas sa Manhattan nga ang polisiya nga gipahibalo sa State Department niadtong Enero “patently unlawful ” ug supak sa federal immigration law, nga klarong nagtangtang sa gahum sa secretary of state sa pagdumala sa pagproseso sa immigrant visas sa mga consular officer.
“The Policy, which categorically prohibits the issuance of immigrant visas based upon the nationality of the applicant, represents a direct abrogation of this statutory scheme,” misulat siya.
Naapektuhan sa suspension sa State Department, nga gipatuman usab niadtong Enero, ang mga aplikante gikan sa Latin American countries lakip ang Brazil, Colombia, ug Uruguay; Balkan nations sama sa Bosnia ug Albania; South Asian countries nga Pakistan ug Bangladesh; ug daghang nasud sa Africa, Middle East, ug Caribbean.
Miingon ang State Department nga ang mga aplikante gikan niining mga nasura “at a high risk for becoming a public charge and recourse to local, state and federal government resources in the United States.” Wala dayon makatubag ang departamento sa pangayo og komento bahin sa hukom.
Gipagawas ni Vargas, nga gitudlo ni kanhi Democratic President Joe Biden, ang hukom sa usa ka kaso nga gisang-at sa immigrant rights groups nga Catholic Legal Immigration Network ug African Communities Together, uban sa mga aplikante sa immigrant visas ug mga U.S. citizen nga nag-sponsor sa ilang mga kapamilya gikan sa gitakdang mga nasud alang sa immigrant visas.
Gipatuman ni President Donald Trump ang hugot nga immigration crackdown nga matod niya nagtumong sa pagpalig-on sa seguridad sulod sa nasud.
Miingon ang rights groups nga gilapas sa crackdown ang free speech ug due process rights ug nakamugna kini og dili luwas nga palibot, ilabina alang sa ethnic minorities, nga nagpahayag og kabalaka bahin sa racial profiling.