Ukraine Gibalhin ang Duha ka North Korean Prisoners of War sa South Korea

Gibalhin sa Ukraine ngadto sa South Korea ang duha ka North Korean prisoners of war, matod ni Ukrainian President Volodymyr Zelenskiy niadtong Miyerkules sa iyang pakigpulong sa United Nations General Assembly.

“Recently, we sent two North Korean prisoners of war to the Republic of Korea,” matod ni Zelenskiy sa iyang pakigpulong.

“These guys are not easy to capture alive. One of them, when he realized he was going to be taken prisoner, tried to kill himself. And he was shocked that fate did not let him die.”

Wala mohatag si Zelenskiy og dugang detalye bahin sa pagbalhin. Nadakpan sa Ukraine ang duha ka North Korean sa Kursk region sa Russia niadtong Enero sa miaging tuig. Sila ang unang North Korean soldiers nga nadakpan nga buhi sukad miapil ang nasod sa Russia-Ukraine war niadtong 2024.

Matod ni Zelenskiy niadtong panahona nga itugyan niya sila ngadto kang North Korean leader Kim Jong Un kung mapadali niini ang pagbaylo kanila sa mga Ukrainian nga bihag sa Russia.

Apan giawhag siya sa mga human rights group nga ipadala sila sa South Korea tungod sa risgo nga silotan ang mga sundalo. Gi-report sa South Korean media nga ang duha ka nadakpang sundalo mipahayag sa ilang tinguha nga modangop sa South Korea.

Matod sa foreign ministry sa South Korea, dili kini makakumpirma sa maong impormasyon, lakip ang mga detalye sama sa panahon sa ilang pagbalhin, tungod sa kaluwasan sa mga sundalo ug sa ilang mga pamilya. Wala dayon mitubag ang unification ministry sa nasod sa hangyo alang sa komento.

Miingon ang South Korea niadtong Hunyo nga dawaton niini ang tanang North Korean prisoners of war nga nakig-away alang sa Russia ug supak kini sa bisan unsang pagbalik kanila ngadto sa Russia o North Korea.

Gisaway usab ni Zelenskiy ang North Korea tungod sa pagpadala niini og mga sundalo aron makig-away alang sa Russia.

“This is madness too. Why should Koreans give their lives in a war against Ukraine? Kim Jong Un uses them like currency. And he gets something in return,” matod niya.

Nagpadala ang North Korea og mokabat sa 14,000 hangtod 15,000 ka sundalo sukad 2024 aron suportahan ang gubat sa Russia batok sa Ukraine, sumala sa mga banabana sa Ukraine ug South Korea. Kadaghanan kanila gipadala sa Kursk region sa Russia, diin mitabang sila sa mga pwersa sa Moscow sa pagsumpo sa pagsulod sa Ukrainian forces.

Naghatag usab ang nasod sa Russia og milyon-milyong artillery ug mortar rounds, ballistic missiles, long-range artillery ug multiple-launch rocket systems, sumala sa mga assessment sa Ukraine ug independent assessments. -Ato ni Bai