Tulo ka Estudyante sa South Cotabato Gipatawag Tungod sa Giingong School Shooting Threats

Gipatawag sa mga awtoridad sa South Cotabato ang tulo ka estudyante tungod sa giingong mga hulga sa school shooting ug mga post sa social media nga nagpakita og armas.

Sa usa sa mga hulga, miingon si South Cotabato Governor Reynaldo Tamayo Jr. nga gipangita sa kapulisan ang duha ka 16-anyos nga estudyante sa Barangay Lamian, lungsod sa Surallah, human giingong nag-post sila sa hulga online niadtong Domingo sa hapon. Nasubay sa mga awtoridad ang ilang lokasyon ug ang account nga gigamit sa pag-post.

“Police are preparing charges against the two minors but are coordinating with the Department of Social Welfare and Development, considering that they were minors,” matod ni Tamayo sa usa ka social media post.

Sayo niadtong Domingo sa lungsod sa Tupi, South Cotabato, gipatawag usab sa mga awtoridad ang usa ka 18-anyos alang sa pagpangutana human siya giingong nag-post og video nga nagpakita kaniya nga nagkupot og wala pa matino nga armas.

Miingon si Tamayo nga gikonsiderar sa provincial government ang pagsang-at og kaso batok sa batan-on ug sa iyang mga ginikanan.

“Please watch your children, know their activities, even on the internet, so you will know what they are doing and guide them to the right path,” matod ni Tamayo sa lokal nga pinulongan.

Dugang nga School Shooting Threat

Samtang, giimbestigahan usab sa kapulisan sa Lambayong, Sultan Kudarat ang usa ka 13-anyos nga estudyante gikan sa Barangay Mantiompong tungod sa giingong pag-post online alas 1 sa kadlawon niadtong Lunes nga plano niyang magpamusil sulod sa Kapingkong National High School.

Nakit-an sa kapulisan ang balay sa bata ug gipatawag siya ug ang iyang mga ginikanan ngadto sa barangay hall sa Mantiompong alang sa pagpangutana ug pagpatin-aw.

Miingon si Major Jayson Ortega, Lambayong municipal police chief, nga nagpadayon ang imbestigasyon ug wala siya mohatag og dugang nga impormasyon. -Ato ni Bai