Talagsaong Raid sa Gay Bar sa Taipei Nagpahinabo og Protesta

Nagprotesta ang mga 100 ka miyembro sa LGBTQ+ community sa Taipei niadtong Domingo human gi-raid sa kapulisan ang usa ka gay bar sa miaging adlaw ug gidetine ang mga kustomer niini, usa ka talagsaong lakang tungod kay nailhan ang Taiwan sa liberal nga pagtan-aw niini ug legal nga suporta sa sexual minorities.

Gihimong legal sa Taiwan ang same-sex marriage niadtong 2019, ang unang nasod sa Asia nga naghimo niini, ug kasagarang giila kini nga dapit nga adunay taas nga pagdawat sa usa ka rehiyon diin ang mga katungod sa LGBTQ+ kasagarang gipugngan o gidili.

Ipahigayon sa Taipei ang pangunang Pride event niini sa ulahing bahin karong bulana, ang kinadak-an sa East Asia.

Gi-raid sa Taipei police ang Commander D gay bar sa Wanhua district sa siyudad niadtong Sabado sa hapon, diin 51 ka tawo ang gidala aron pangutan-on ug gidakop ang tag-iya sa bar. Wala makontak sa Reuters ang tag-iya aron mangayo og komento.

Gisultihan ni precinct spokesperson Chen Yu-cheng ang Reuters nga milihok ang kapulisan base sa usa ka search warrant tungod sa gidudahang “offenses against public morality”.

Matod ni Chen, ang 51 ka tawo gidudahang nakalapas sa balaod nga nagdili sa “wantonly exposing one’s naked body or presenting a lascivious posture in a public place or publicly accessible place”.

Malinawon apan saba nga nagmartsa ang mga nagprotesta paingon sa precinct police station niadtong Domingo sa hapon.

“They raided the place violently. It was very scary,” matod sa usa sa mga gidetine, kinsa mihangyo nga mailhan lamang pinaagi sa iyang apelyido nga Wen, ngadto sa Reuters.

Wala dayon mikomento ang Taipei city government.

Si Mayor Chiang Wan-an sa main opposition party nga Kuomintang, kinsa adunay eleksyon sunod bulan, mitambong na kaniadto sa Taipei Pride ug nagpahayag sa iyang suporta sa LGBTQ+ community.

Migawas ang precinct chief, kinsa wala mohatag sa iyang ngalan, aron makigsulti sa mga nagprotesta sa makadiyot.

“We respect the culture of a pluralistic society and will protect the rights of every citizen,” matod niya, samtang misinggit ang mga nagprotesta sa ilang pagsupak kaniya.

Miingon ang nagprotesta nga si Kang Yang nga nasuko siya tungod sa raid, ilabina kay Pride month. “I’m not cool with this,” matod niya. “This city used to claim that it was queer friendly.”

Ubos sa martial law ang Taiwan hangtod 1987 ug ang same-sex relations usa ka hilisgutan nga kasagarang dili hisgutan niadtong panahona. -Ato ni Bai