South Korea mikompirmang mina sa North Korea maoy hinungdan sa pagbuto sa utlanan

Gikompirma sa South Korea niadtong Lunes nga mga mina nga gibutang sa North Korea maoy hinungdan sa bag-ohay nga pagbuto sa utlanan nga grabeng nakaangol sa duha ka sundalo niini.

Nagpalig-on ang North Korea sa utlanan niini sa South Korea sukad Abril 2024 ug nagpadala kini og hangtod 7,000 ka trabahante aron magbutang og mga mina ug koral karong tuiga, samtang adunay mga 50 ka insidente sa pagtabok sa utlanan, sumala sa briefing sa militar sa South Korea niadtong Lunes.

Teknikal nga naggubat gihapon ang duha ka Korea human natapos ang ilang gubat niadtong 1950-53 pinaagi sa armistice imbis nga kasabutan sa kalinaw.

“Based on the findings of joint investigations with the United Nations Command and scientific evidence, it is officially determined that our soldiers conducting regular operations in the Demilitarized Zone were wounded severely by an anti-personnel mine installed south of the Military Demarcation Line by North Korea under its so-called fortification work,” matod ni Kwon Dae-won, Vice Chairman sa Joint Chiefs of Staff, atol sa briefing.

Gituohang gibutang mga usa ka tuig na ang milabay ang mina nga mibuto niadtong Setyembre 21, matod ni Kwon.

“Our military strongly urges North Korea to apologise sincerely to our soldiers injured by the mine blast and immediately remove mines installed in violation of the Armistice agreement,” matod ni Kwon, ug midugang nga nagpahigayon ang kasundalohan niadtong Lunes og operasyon aron tangtangon ang mga mina sa North Korea ug ipadayon kini kon dili boluntaryong tangtangon sa North Korea ang mga mina.

Sa miaging semana, matod sa UN Command human sa hiniusang imbestigasyon uban sa militar sa South Korea, laing anti-personnel mine sa North Korea ang nakit-an sa bahin sa South Korea sa Military Demarcation Line nga nagbahin sa 4-km (2.5-mile) nga gilapdon sa DMZ. Gitawag niini ang maong pagbutang og mina nga paglapas sa Korean War armistice.

Niadtong Biyernes, matod ni Kim Yo Jong, impluwensiyal nga igsoon nga babaye ni North Korean leader Kim Jong Un, “groundless” ang akusasyon sa South Korea ug gisalikway niya ang panawagan sa Seoul nga mangayo og pasaylo ang North Korea.

Sa miaging tuig, misugyot ang administrasyon ni South Korean President Lee Jae Myung og pakigpulong sa North Korea aron maablihan ang dayalogo ug mapakunhod ang tensiyon.

Misugyot usab kini nga magbutang og mas klarong utlanan aron malikayan ang posibleng panagsangka sa militar, apan wala motubag ang North Korea sa bisan unsang panawagan alang sa dayalogo sukad gitawag niini ang South Korea nga “hostile” nga nasod niadtong 2023. -Ato ni Bai