Pulis ug Militar Napakyas ang Bombing Attempt sa wala pa ang BARMM Elections sa Basilana

Napakyas sa mga pulis ug militar ang bombing attempt sa Lamitan City human makit-an ang usa ka improvised explosive device (IED) sayong Lunes, pipila ka oras sa wala pa ablihi ang mga presinto alang sa makasaysayang Bangsamoro Parliamentary Elections (BPE), matod sa kapulisan.

Nakaplagan ang IED mga alas 1:15 sa kaadlawon atol sa operasyon nga gibase sa intelligence information sa Barangay Balobo, Lamitan City, nga gihimo sa Lamitan City Police Station (LCPS) ug ubang police units, kauban ang Army’s 112th Division Reconnaissance Company.

Matod sa kapulisan, luwas nga gi-neutralize sa Provincial Explosive Ordnance Disposal and Canine Unit ang bomba pinaagi sa controlled detonation mga alas 3:30 sa kaadlawon.

Matod sa kapulisan, ang IED adunay electronic blasting cap, mga usa ka bar sa Trinitrotoluene (TNT), keypad sa cellphone, nine-volt battery terminal, three-inch concrete nails, plastic nga sudlanan, ug pipila ka mga wire.

“The IED was discharged through a controlled detonation following its discovery,” matod sa LCPS sa report niini niadtong Lunes.

Gidokumento sa LCPS investigators ang lugar ug gisumite ang narekober nga ebidensya ngadto sa police forensic unit alang sa chemical analysis.

Gidumala sa LCPS ang imbestigasyon, samtang gilauman nga magpagawas ang mga awtoridad og dugang nga impormasyon samtang nagpadayon ang pagsusi.

Matod sa Commission on Elections, 248,244 ka rehistradong botante ang gikatakdang mobotar sa probinsya.

Ang Lamitan City adunay pinakadaghang botante taliwala sa mga lugar nga sakop sa parliamentary election, nga adunay 56,042 ka rehistradong botante.

Samtang, matod ni Basilan Bishop Leo Dalmao, ang kalinaw nga dugay nga gipaningkamotan sa probinsya kinahanglan mahimong dalan alang sa malinawon, hapsay, ug matinud-anong eleksyon.

Matod ni Dalmao, ang nasinatian nga relatibong kalinaw sa Basilan sa milabay nga mga tuig naghatag sa probinsya og kahigayonan nga ipakita sa Bangsamoro region kung unsay mahimong resulta sa mapadayonong kalinaw.

“We pray that the peaceful gains we have made in the past years will also bear fruit in an orderly, peaceful and honest election,” matod niya sa interbyu sa mga reporter.

Dugay nang nalambigit ang Basilan sa armadong panagbangi ug kapintasan, apan matod sa bishop, kinahanglan ipadayon sa probinsya ang kalamboan nga nakab-ot niini sa milabay nga mga tuig.

Mipahayag si Dalmao og paglaom nga ang eleksyon makamugna og “better and good leaders” alang sa Basilan ug sa Bangsamoro region.

Sa iyang bahin, nanawagan si Gov. Mujiv Hataman alang sa malinawon ug kasaligan nga BPE, ug giawhag ang mga political party nga magdula og patas ug tugotan ang mga botante nga gawasnong makabotar. -Ato ni Bai