Posibleng methanol poisoning sa ‘Monkey Tail’ gin, 49 patay sa Nigeria

Namatay ang labing menos 49 ka tawo ug 182 ang naospital human sa giingong alcohol poisoning sa Ondo state sa southwestern Nigeria, matod sa health commissioner sa estado niadtong Biyernes.

Unang gitaho ang health emergency niadtong Setyembre 5, diin matod sa mga awtoridad, 29 ka tawo ang namatay sulod sa unang semana human makainom sa alcohol. Matod ni Ondo health commissioner Banji Ajaka, misaka ngadto sa 49 ang gidaghanon sa mga namatay pag-abot sa Biyernes.

Gisuspetsahan sa mga awtoridad sa Ondo nga methanol poisoning gikan sa locally brewed gin nga nailhang “Monkey Tail” ang hinungdan sa mga kamatayon. Gipakita sa insidente ang peligro sa mga alcoholic drink nga walay regulasyon, nga kaylap gihapong giinom sa pipila ka bahin sa Nigeria tungod kay barato ug sayon mapalit.

Matod ni Ajaka, nasubay ang insidente ngadto sa duha ka traditional ceremonies sa Odigbo district, diin miinom ang mga bisita og locally produced alcoholic drink.

"The pattern of illness and reported history of exposure have raised strong epidemiological suspicion of exposure to a probable toxic alcoholic substance. However, we are yet to have laboratory evidence," matod ni Ajaka sa usa ka statement.

Matod ni Ajaka, nakasinati ang mga biktima og mga sintomas sama sa sakit sa ulo, sakit sa lawas, kalisod sa pagginhawa, kausaban sa consciousness ug pagkabuta.

"This thing happened rapidly. Once they consume, depending on the quantity, the kidneys will pack up, the eyes will go, the brain will be damaged," matod niya.

Gipahayag sa police nga ilang gidakop ang usa ka suspek kalabot sa kaso.

-Ato ni Bai