%20(100%20x%20100%20px).png)
Pope Leo Operahan Tungod sa Bukol nga Nakita sa Iyang Baga
Gipahibalo ni Pope Leo niadtong Domingo nga nakakita ang mga doktor og gamay nga bukol sa iyang baga atol sa bag-o niyang medical checkup ug operahan siya karong semanaha aron makuha kini. Kini ang unang seryosong kabalaka bahin sa panglawas sa 71-anyos nga Santo Papa sukad siya milingkod sa katungdanan.
Ato ni Bai
October 12, 2026 at 6:30:40 AM
Packages of humanitarian supplies are arranged before being distributed to people fleeing clashes between Houthi fighters and Saudi-backed Yemeni government forces, at the Markazi refugee camp after arriving in Djibouti, September 18, 2026.
Reuters / Abdourahim Arteh
Gipahibalo ni Pope Leo niadtong Domingo nga nakakita ang mga doktor og gamay nga bukol sa iyang baga atol sa bag-o niyang medical checkup ug operahan siya karong semanaha aron makuha kini. Kini ang unang seryosong kabalaka bahin sa panglawas sa 71-anyos nga Santo Papa sukad siya milingkod sa katungdanan.
Gisultihan ni Leo ang mga deboto nga nagtigom sa St. Peter's Square alang sa iyang sinemanal nga pag-ampo sa Domingo nga ang bukol "well-contained" ug sayo kining nadiskobrehan.
Wala giklaro sa Vatican kung ang maong bukol gituohang malignant o kanser.
"Recently, during some medical examinations, doctors found a localized nodule in my lung," matod sa Santo Papa. "It was detected at a very early stage and is well contained."
"The doctors believe it is advisable to intervene, so, following their advice, I have decided to undergo surgery to remove it," matod niya. "The operation is already scheduled for the next few days."
Ang lung nodule usa ka gamay nga bukol o abnormal nga bahin sa baga nga mahimong dili kanser. Sumala sa American Thoracic Society, ubos sa 5% sa tanang lung nodule ang mapamatud-ang kanser. Apan mosaka ang risgo depende sa edad, gidak-on sa bukol ug ubang hinungdan sama sa pagpanigarilyo.
Si Leo, nga napili nga Santo Papa sa mga kardinal sa tibuok kalibotan niadtong Mayo 2025, medyo batan-on pa kon itandi sa ubang lider sa Simbahan. Ganahan siya og sports, lakip ang tennis, ug wala mailhing nanigarilyo o adunay naunang problema sa panglawas.
Nagpadala og mensahe sa pag-ampo ug maayong pangandoy si Italian Prime Minister Giorgia Meloni alang sa Santo Papa.
"I would like to express to the Holy Father my personal support, and that of the Italian government, as he faces this challenge in the coming days," matod niya sa usa ka pahayag.
"The serenity and composure with which he spoke about it during today’s Angelus are reassuring," dugang ni Meloni.
Ang namatay nga si Pope Francis, nga gisundan ni Leo isip Santo Papa, namatay sa edad nga 88 ug nagkaanam og kahuyang ang panglawas sa iyang kataposang mga tuig.
Gipahibalo sa Vatican press office nga gipaabot nga mokabat og usa ka semana ang pagkaayo ni Leo human sa operasyon. Wala pa kini maghatag og dugang detalye bahin sa iyang panglawas.
Nagpadayon ang daghang kalihokan sa iskedyul ni Leo, lakip ang 11 ka adlaw nga pagbisita sa Uruguay, Argentina ug Peru gikan Nobyembre 6 hangtod 17.
Sa wala pa niya gihisgutan ang iyang kahimtang sa panglawas atol sa iyang pakigpulong niadtong Domingo, gipasalamatan sa Santo Papa ang mga Katoliko sa ilang mga pag-ampo "for the pastoral visit I will undertake." -Ato ni Bai