Pope Leo Nanawagan og Kalibotang Aksyon Batok sa Ebola sa Congo

Nanawagan si Pope Leo niadtong Domingo alang sa internasyonal nga aksyon aron makatabang sa pagpugong sa epekto sa Ebola outbreak sa Democratic Republic of Congo, nga nakapatay na og kapin sa 2,500 ka tawo.

Pas-pas nga mikaylap ang outbreak sa halapad nga bahin sa nasud sa central Africa ug nakapahinabo og rekord nga gidaghanon sa mga natakdan ug namatay, sumala sa mga opisyal sa United Nations.

“In my prayers, I often remember the Democratic Republic of the Congo, particularly in light of the spread of the Ebola epidemic, which is sadly claiming many lives,” matod sa Santo Papa ngadto sa mga pilgrim nga nagtigom sa Saint Peter’s Square alang sa iyang sinemanang pag-ampo matag Domingo.

“I urge the international community to respond in a way that also involves local communities in prevention efforts to save as many lives as possible,” matod niya.

Kini ang ika-17 nga Ebola epidemic sa Congo, ug sa ulahing bahin sa Hulyo nahimo kini nga pinakadako sa kasaysayan sa nasud base sa kumpirmadong mga kaso, nga milapas sa miaging rekord nga outbreak gikan 2018 hangtod 2020. -Ato ni Bai