Pope Leo Nagpasidaan sa Epekto sa Middle East Conflicts sa Jewish-Christian Relations

Miingon si Pope Leo niadtong Miyerkules nga nasulayan sa bag-ong mga kagubot sa Middle East ang relasyon tali sa mga Hudiyo ug Kristiyano, ug midugang nga ang nagkalainlaing panglantaw sa nagpadayong kapintasan nakapalisod sa dayalogo apan wala kini maputol.

Sa usa ka bag-ong decree aron markahan ang katapusang 60 ka tuig nga mga paningkamot sa Catholic Church sa inter-religious dialogue, gisubli usab sa Santo Papa ang pagkondena sa Simbahan sa antisemitism ug Islamophobia.

“The conflicts that have erupted in the Middle East in recent years have … left their mark on Jewish-Christian dialogue,” matod sa decree, nga gihimo sa tulo ka dagkong Vatican offices ug giaprobahan ni Leo.

“Many channels of communication have been strained,” matod niini. “Nevertheless, the pillars of dialogue among believers, built over 60 years of common effort, have remained firm. Upon these foundations, it is both possible and necessary to continue building.”

Wala maghisgot og bisan unsang espesipikong kagubot sa Middle East ang decree, nga gipagawas aron markahan ang anibersaryo sa usa ka 1965 Church document nga giila sa kadaghanan nga nakatabang sa pagpaayo sa dugay nang dili maayong relasyon tali sa mga Hudiyo ug Kristiyano.

Gisaway na kaniadto ni Leo, ang unang Santo Papa nga natawo sa U.S., ang gubat sa Iran, nga nakapukaw sa kasuko ni President Donald Trump sa social media.

Gihulagway sa decree niadtong Miyerkules ang pakigbatok sa antisemitism isip usa ka “shared struggle” sa mga Hudiyo ug Kristiyano. Miingon usab kini nga ang mga panglantaw nga Islamophobia “fail to distinguish” tali sa mga kaso sa extremist violence ug sa adlaw-adlaw nga kinabuhi sa mga Muslim sa tibuok kalibotan. -Ato ni Bai