PNP Gitun-an ang Pagdeploy og mga Tanod ug Pagdili sa Gadgets sa mga Eskwelahan

Gitan-aw sa Philippine National Police (PNP) ang labing maayong mga pamaagi sa silingang mga nasod aron mapalig-on ang kaluwasan sa mga eskwelahan, lakip ang pagdili sa gadgets ug pagdeploy sa mga pwersa sa seguridad sa komunidad.

Andam ang PNP nga mahimong kabahin sa Joint School Safety Task Force nga gisugyot sa Department of Education (DepEd), nga maghimo og site-specific security audits sa mga pampublikong eskwelahan, sumala sa usa ka news release niadtong weekend.

Miingon si PNP chief Gen. Jose Melencio Nartatez Jr. nga adunay kapin sa 42,000 ka barangay ug ang ilang mga tanod mahimong dugang nga pwersa sa pagbantay sa mga 49,000 ka pampubliko ug pribadong eskwelahan.

Miingon si Nartatez nga tun-an usab sa PNP ang mga lakang sa seguridad nga gihisgutan atol sa ASEANAPOL (Association of Southeast Asian Nations Chiefs of Police) Conference nga gi-host sa Pilipinas niadtong Hulyo, human sa pagpamusil sa Tacloban City niadtong Hunyo 22 nga nakapatay og tulo ka estudyante.

“In the different schools in other countries, they banned the use of gadgets like cellular phones and the like. They also implemented a lot of projects and programs,” matod niya.

Miingon siya nga kining mga programa ug inisyatiba hisgutan uban sa DepEd ug Department of the Interior and Local Government sa higayon nga ma-activate ang task force.

Gimandoan usab ni Nartatez ang bag-ong gitudlo nga Anti-Cybercrime Group chief Maj. Gen. Andre Perez Dizon nga palig-onon ang pagbantay ug mga aksyon batok sa cyber-related threats.

“The recent incident in a school in South Cotabato underscores the need for stronger coordination and action, particularly against online spaces that promote or glorify violence,” matod niya, nga nagtumong sa pag-atake niadtong Setyembre 18 nga nakapatay usab og tulo ka menor de edad, lakip ang shooter.

Sa iyang bahin, miingon si National Capital Region Police Office Officer-in-Charge Brig. Gen. Christopher Abrahano nga palig-onon nila ang koordinasyon sa local government units, mga administrador sa eskwelahan, security personnel ug ubang stakeholders aron mapalig-on ang kaluwasan sa mga eskwelahan sa tibuok Metro Manila.

“We are taking the lessons from these incidents seriously, but we also want to assure parents, students, and our school communities that there is no reason to panic. Our approach is to strengthen prevention, improve coordination, and respond to risks based on facts and credible information,” matod ni Abrahano sa laing pahayag. -Ato ni Bai