Pito patay sa England human nabanggaan sa wrong-way nga sakyanan ang police car

Namatay ang pito ka tawo, lakip ang duha ka police officers, sa car crash sa northeast England niadtong Sabado human nabanggaan sa usa ka sakyanan nga nagpadagan sa sayop nga direksyon sa dakong dalan ang usa ka marked police armed response car, sumala sa local police force.

Miingon ang Cleveland Police nga nahitabo ang insidente alas-3:39 sa kadlawon (0239 GMT) duol sa South Bank area sa sidlakan sa Middlesbrough ug namatay sa lugar ang tanang sakay sa duha ka sakyanan.

“This is an incredibly sad day for Cleveland,” matod ni Cleveland Police Chief Constable Victoria Fuller.

Miingon ang police force nga pormal na nilang nailhan ang mga pasahero sa laing sakyanan, usa ka Volkswagen Passat, ug gikontak na ang ilang mga pamilya.

Ginganlan ni Fuller ang duha ka namatay nga officers nga sila police constables Matthew Blades, 37, ug Tom Clough, 38, nga iyang gihulagway nga “brave officers … who didn’t return home to their families at the end of their shift.”

Nagpagawas usab si Prime Minister Andy Burnham og mubo nga pahayag nga nagpahayag sa iyang kasubo sa insidente, nga sama sa naandan sa susamang mga kaso, susihon sa Britain’s Independent Office for Police Conduct.

Human sa duha ka bag-ong head-on crashes duol sa Dublin, diin usa niini mipatay og lima ka tawo, mipasidaan karong semanaha ang police chief sa Ireland nga adunay pipila ka mga batan-on nga nagpadagan sa sayop nga direksyon sa motorway “for social media likes”.

Gihangyo sa usa ka Irish parliament committee ang short-form video platform nga TikTok nga ipasabot kung giunsa niini pagtangtang ang content “that appears to glorify dangerous and illegal behaviour on our roads”. Niadtong Martes, mihimo usab og susamang hangyo ang media regulator sa Ireland.