PH Gov’t Response Teams Nangandam sa Bagyong Saudel

Nagpabiling naka-full alert ang Quick Response Teams sa Department of Social Welfare and Development (DSWD) alang sa posibleng epekto sa Saudel, usa ka severe tropical storm nga anaa pa sa gawas sa Philippine Area of Responsibility sa oras sa pagmantala.

Sumala sa Philippine Atmospheric, Geophysical, and Astronomical Services Administration, gilaom nga pakusgon sa Saudel ang southwest monsoon (habagat) ug magdala og kusog nga ulan sa tibuok Luzon sugod Lunes.

“Ang ating mga quick response teams sa central office at maging sa mga field offices, pati na ang mga ginagamit na specialized equipments, ay nakahanda na para tumugon sa inaasahang malakas na pagbuhos ng ulan dulot ng habagat sa susunod na linggo. Kahit na bumubuti ang panahon ngayong weekends, nakaalerto pa rin tayo,” matod ni Assistant Secretary Irene Dumlao sa DSWD Disaster Response Management Group sa usa ka news release niadtong Biyernes.

Miingon siya nga adunay igong relief stockpiles ang DSWD aron masuportahan ang mga komunidad nga posibleng maapektuhan sa kusog nga ulan.

Hangtod alas 6 sa buntag, adunay kinatibuk-ang 3,854,112 family food packs (FFPs) nga giandam daan sa DSWD sa tibuok nasod ug PHP715.25 million nga quick response funds, sumala sa Disaster Response Operations Management, Information and Communication (DROMIC).

“Enough po ito to sustain our disaster response operations sa buong bansa (It is enough to sustain our disaster response operations nationwide),” matod ni Dumlao.

Dungan sa pagpangandam alang sa kalamidad, nagpadayon ang DSWD sa paghatag og relief ug uban pang tabang sa mga pamilya nga naapektuhan sa bag-ohay nga mga kasamok sa panahon.

Base sa report sa DROMIC, nakahatag na ang DSWD og PHP1.03 billion nga humanitarian aid ngadto sa 2,042,703 ka apektadong pamilya sa tibuok nasod.

“Alinsunod sa utos ni Pangulong Ferdinand Marcos Jr. na pabilisin ang pag-abot ng assistance, nakikipag coordinate na rin tayo sa mga social action centers at maging mga simbahan para magsilbing pwesto ng nga FFPs. This is another measure to ensure that FFPs are immediately accessible to affected families,” matod ni Dumlao.

Sa Pampanga, nakigtambayayong ang DSWD Field Office-Central Luzon sa San Pablo Chapel ug Santo Cristo Chapel sa Guagua aron manghatag og 970 ka food packs ngadto sa mga apektadong panimalay.

-Ato ni Bai