Panama nakarekord og kapin 200 ka aftershocks human sa magnitude 7.7 nga linog

Nakarekord ang Panama og kapin 200 ka aftershocks human sa magnitude 7.7 nga linog niadtong Biyernes nga nakadaot sa gatusan ka balay ug mga imprastraktura sa sentral nga mga probinsya sa nasod. Tungod niini, gideklarar sa gobyerno ang national state of emergency niadtong hinapos sa semana.

Wala pay natala nga namatay, apan labing menos 27 ka tawo ang nasamdan ug dul-an sa 900 ka balay ang nangadaot, sumala sa mga awtoridad sa emerhensya. Posible pang mosaka ang maong ihap samtang nagpadayon ang pagsusi sa mga kadaot sa hilit nga mga komunidad.

Pinaagi sa deklarasyon sa emerhensya, mahimong mogahin ang gobyerno og hangtod $100 milyon nga pondo alang sa tabang nga dili molapas sa gitakdang fiscal deficit sa 2026 nga 3.5% sa gross domestic product (GDP), sumala sa economy ministry.

"We have already recorded more than 200 aftershocks, and they are continuing, but their magnitude is decreasing and the intervals between them are getting longer," matod ni Nestor Luke, direktor sa University of Panama's Institute of Geosciences, ngadto sa Reuters.

Misaad ang United States (US) og $5 milyon nga tabang ug magpadala usab og 20 ka miyembro nga grupo aron motabang sa rescue operations ug pagsusi sa mga imprastraktura, matod ni US Ambassador Kevin Marino Cabrera.

Mibisita si President Jose Raul Mulino sa mga apektadong lugar aron manghatag og tabang ug nanawagan nga daliang ayohon ang mga dalan ug tulay aron mas mapadali ang paghatod sa tabang. Labing menos 14 ka tulay ang nadaot sa mga probinsya sa Veraguas ug Los Santos.

Gisuspenso ang mga klase sa tibuok nasod niadtong Lunes, samtang gipahibalo sa Panama Canal nga wala maapektuhan sa linog ang operasyon sa mga barko. -Ato ni Bai