Pamilya sa Pinoy Doctor nga Nawala sa Baha sa Nepal Nangayo og Tabang

MANILA – Nangayo og tabang ang pamilya sa usa ka Pinoy doctor nga nawala human sa makamatay nga flash flood nga miigo sa mga baryo ug trekking routes sa Nepal niadtong Agosto 26 aron mahibal-an ang iyang nahimutangan.

Sa Facebook post niadtong Biyernes, giingon ni Chiara Manalo nga ang iyang igsoon nga si Juan Carlos Manalo nagbiyahe uban sa Isha Sadhguru group alang sa ilang Kailashyatra tour ug wala na makontak sukad sa flash flood.

“Any information or news about him or his group would be greatly appreciated. Receiving and seeing the news about the catastrophe has been very difficult for us. We humbly ask to include him in your prayers, that he may return to us safely soon,” matod niya.

Miingon si Manalo nga kataposang nakontak sa iyang igsoon ang ilang pamilya niadtong Agosto 25 sa 13:21 PHT (11:06 NPT). Ang iyang kataposang nahibal-ang nahimutangan kay kauban ang iyang tour group sa Immigration Office sa Gyirong.

Una nang gikumpirma ni Isha Foundation founder ug leader Jaggi Vasudev, nailhan nga Sadhguru, nga 80 ka miyembro sa Isha group, lakip ang usa ka Pilipino, ang anaa sulod sa maong building pipila ka minuto sa wala pa kini maanod.

Nakig-coordinate pag-ayo ang Philippine Embassy in India, nga adunay jurisdiction sa mga Pilipino sa Nepal, sa Honorary Consul General of the Philippines in Kathmandu ug Nepal’s Ministry of Home Affairs, nga direktang nakig-ugnayan sa first responders.

“Makakaasa po kayo na sinusundan namin ang mga pangyayari lalo na yung kapakanan ng ating mga kababayan (Rest assured that we are monitoring the situation, especially the welfare of our fellow Filipinos,” matod ni Philippine Ambassador to India Josel Ignacio sa interview sa Radyo Pilipinas.

“Kung ano man po ang makuha nating mga updates ay ibabahagi po natin. Kung meron po tayong kababayan na naapektuhan, kung meron pa pong lumabas na ganun pong impormasyon, nakahanda po tayong tumugon (We will share whatever updates we receive. If any of our fellow Filipinos are affected – if such information emerges – we are ready to respond),” dugang niya.

Miingon ang envoy nga mahimong makontak ang embassy pinaagi sa assistance-to-nationals line niini sa WhatsApp/Viber sa +919910797014 o email sa newdelhi.atn@dfa.gov.ph.

Samtang, mahimong makontak ang honorary consul pinaagi sa emergency mobile number niini sa +9779851101777 o email sa philcongen@voith.com.np. (PNA)

-Ato Ni Bai