Pagpatay sa Iran sa Labing Mubo 56 ka Tawo Sukad Marso, Gibutyag sa UN Rights Chief

Gibutyag ni United Nations human rights chief Volker Tuerk niadtong Miyerkules nga labing mubo 56 ka tawo ang gipatay pinaagi sa execution sa Iran sukad Marso 19 tungod sa mga kasong nalambigit sa national security, lakip ang 27 ka kaso nga konektado sa mga protesta sa pagsugod sa tuig.

“I am alarmed by the rise in executions and death sentences issued in Iran since March, and that capital punishment continues to be used to instil fear among the population and suppress dissent,” matod ni Tuerk.

Sumala sa balita, liboan ka tawo ang napatay sa kamot sa Iranian authorities atol sa mga anti-government protests niadtong Enero, nga giila nga labing grabe nga kagubot sulod sa nasod sa milabayng pipila ka dekada.

Matod sa mga rights groups, nagpadayon ang gobyerno sa pagdakop ug pagpugong sa mga oposisyon human misugod ang gubat nga giingong mitumaw tungod sa U.S.-Israeli strikes batok sa Iran sukad sa katapusan sa Pebrero.

Miingon si Tuerk nga kapin sa 100 ka tawo ang anaa sa risgo nga mahatagan usab og execution tungod sa susamang mga kasong nalambigit sa national security, samtang nagpadayon usab sa “alarming rate” ang executions alang sa drug-related offences.

Gihangyo niya ang Tehran nga ihunong ang tanang executions, molihok padulong sa pagwagtang sa death penalty, ug gipadayag ang iyang kabalaka sa iyang gihulagway nga kapakyasan sa pagpatuman sa fair trial ug due process.

Wala dayon motubag ang diplomatic mission sa Iran sa Geneva sa hangyo alang sa komento. Sa laing bahin, gipanalipdan sa mga opisyal sa Iran ang proseso sa hudikatura sa nasod ug ang paggamit sa capital punishment, nga ilang giingong nahiuyon sa ilang domestic law ug gikinahanglan alang sa public security.

-Ato ni Bai