Pagpamusil sa Eskwelahan sa Thailand: Magtutudlo Patay, Upat Naangol sa Estudyanteng Gunman

Napatay ang labing menos usa ka magtutudlo ug naangol ang upat ka tawo human nagpamusil ang usa ka estudyante sa usa ka eskwelahan sa Thailand, amihanan sa Bangkok, niadtong Biyernes, sa wala pa kini naghikog, matod sa mga awtoridad.

Gikumpirma ni Lt. Col. Dechrapee Kongdee, Nonthaburi Provincial Police Commander, ngadto sa Reuters ang mga namatay ug naangol ug miingon nga naghikog ang giingong gunman. Lakip sa mga naangol ang usa ka magtutudlo ug tulo ka estudyante, matod niya.

Nahitabo ang insidente sa Bang Kruai district sa Nonthaburi province. Giila sa kapulisan nga usa ka estudyante ang nagpamusil.

Sa mga litrato nga gipakatap sa mga emergency worker, makita ang mga estudyante nga nanggawas sa Debsirin Nonthaburi School, sa amihanan-kasadpang bahin sa Bangkok, samtang nagresponde ang mga ambulansya. Sa usa ka litrato, makita ang usa ka tawo nga naghigda sa stretcher sa gawas sa ambulansya, samtang laing tawo ang giatiman sa usa ka medic.

Sa 2025 academic year, adunay mga 3,100 ka estudyante ug 147 ka magtutudlo ang eskwelahan, sumala sa district authorities.

Niadtong February, usa ka magtutudlo ang namatay ug usa ka estudyante ang naangol sa Hat Yai district sa southern Thailand human nagpamusil ang usa ka gunman sa usa ka eskwelahan.

-Ato ni Bai