Pagbuto sa Anak Krakatau Nakaapekto sa Biyahe, Eskwela ug Pangisda

JAKARTA- Nakapahunong sa gatosan ka biyahe sa eroplano sa main airport sa Jakarta niadtong Domingo ang pagbuto sa Mount Anak Krakatau sa Indonesia, human gipahunong usab ang pipila ka kalihokan sa mga eskwelahan ug pagpangisda.

Gipahibalo sa Soekarno-Hatta International Airport pinaagi sa Instagram nga gipahunong niini ang operasyon sa mga biyahe sa eroplano hangtod 9:30 a.m. (0230 GMT) tungod sa abo sa bulkan.

Nakaapekto sa 209 ka biyahe sa eroplano, lakip ang pipila ka international flights, ang paghunong sa operasyon nga gipalugway gikan sa unang gitakdang oras nga 5:30 a.m., matod sa transportation ministry sa Indonesia.

Mibuto ang Anak Krakatau sukad sa ulahing bahin sa Biyernes, ug namatikdan ang abo sa bulkan sa airport sayo sa Domingo, matod sa ministry sa usa ka pahayag.

Namatikdan ang abo sa gitas-on nga 20,000 feet (6,000 metres) sa bahin sa Java sa bulkan, samtang ang pundok sa abo miabot sa 50,000 feet (15,000 metres) sa bahin sa Sumatra ug pipila ka bahin sa Banten province sa Java, sumala sa gipahibalo sa meteorological agency nga BMKG sa website niini.

Nahimutang ang Anak Krakatau mga tunga-tunga sa Java ug Sumatra sa lapad nga kapupud-an sa Indonesia, nga nahimutang sa Pacific "Ring of Fire", diin kanunay mahitabo ang mga linog ug pagbuto sa bulkan.

Giawhag sa disaster mitigation agency sa Indonesia nga BNPB ang publiko nga magpabiling kalmado apan mas magmatngon. "urges the public to remain calm while increasing vigilance. In the event of ashfall, people are advised to wear masks and eye protection, reduce outdoor activities, cover water sources and exercise caution when driving, as volcanic ash can reduce visibility," matod ni spokesperson Berton Panjaitan.

Gikansela sa pipila ka eskwelahan ang mga kalihokan niadtong Sabado, samtang nakasinati og iritasyon sa mata tungod sa abo ang mga estudyante ug residente. Gikansela usab sa mga mangingisda ang ilang pagpangisda tungod sa pagbuto sa bulkan, sumala sa local media outlet nga Kompas.

Miingon ang disaster mitigation agency niadtong Sabado nga walay nagkaduol nga peligro sa tsunami gikan sa bulkan.

Nakapatay og gatosan ka tawo ug nakapasamad og gatosan pa sa Java ug Sumatra ang tsunami niadtong 2018 nga gipahinabo sa mga pagbuto sa Anak Krakatau.

Mitungha ang Anak Krakatau, nga nagpasabot og anak sa Krakatau, usa ka siglo na ang milabay gikan sa lugar nga kaniadto nahimutangan sa Krakatau, nga nailhan kaniadto nga Krakatoa. Naguba ang Krakatoa niadtong 1883, sa dihang ang kusog kaayong mga pagbuto niini nakapatay og kapin sa 36,000 ka tawo pinaagi sa sunod-sunod nga mga tsunami.

-Ato Ni Bai