North Korea Nagpabuto og Duha ka Ballistic Missile Sulod sa Tulo ka Oras

Nagpabuto ang North Korea og duha ka missile gikan sa silangang baybayon niini niadtong Domingo, ang ikaduhang hugna sa mga pagsulay niini sulod sa kapin usa ka semana ug pipila ka adlaw human giakusahan sa Pyongyang ang US nga nagpasamot sa tensyon sa Korean Peninsula pinaagi sa sunod-sunod nga military drills.

Tulo lamang ka oras human maglunsad og short-range ballistic missile (SRBM) paingon sa East Sea niadtong Domingo sa hapon, nagpabuto ang North Korea og laing short-range ballistic missile, sumala sa South Korea’s defence ministry.

Kung makumpirma nga ballistic missile ang ikaduhang gilunsad, kini ang duha ka sunod-sunod nga ballistic missile tests sa North Korea sulod sa tulo ka oras.

Miingon ang South Korea’s Joint Chiefs of Staff nga namatikdan niini ang unang test firing gikan sa Wonsan area mga alas 3 sa hapon (0600 GMT), ug giila ang armas nga ballistic missile. Miingon usab ang Japan’s defence ministry nga daw ballistic missile kini.

Miingon ang Japanese public broadcaster NHK nga nahulog ang projectile sa gawas sa exclusive economic zone sa Japan.

Milupad ang unang projectile og mga 450 km (280 miles) ug gituohang kabahin sa Hwasong-11 series, sumala sa militar sa South Korea. Ang ikaduhang short-range missile, nga gilunsad usab gikan sa Wonsan mga alas 5:50 sa hapon (0850 GMT), milupad og kapin sa 600 km (373 miles), matod niini.

“South Korean and US intelligence authorities have been tracking and sharing related developments from the initial stage of the launch, and have also shared information regarding the ‘North Korean ballistic missile’ with Japan,” matod sa South Korean Joint Chiefs of Staff.

Gikondena sa South Korea’s National Security Council ang paglunsad sa short-range missile, nga misunod sa usa ka pagsulay niadtong Setyembre 12. Giawhag sa council ang Pyongyang nga hunongon dayon ang missile activity, ug mipasidaan nga direktang paglapas sa UN Security Council resolutions ang maong pagsulay.

Nagpasa usab ang Japan og protesta pinaagi sa embassy channels sa Beijing, sumala sa usa ka report sa Nikkei.

“This series of North Korean actions threatens the peace and security of Japan, the region, and the international community,” matod ni Japanese Defence Minister Shinjiro Koizumi nga gikutlo sa Nikkei.

Niadtong Sabado, gisalikway sa North Korea ang usa ka resolution sa UN nuclear watchdog batok sa nuclear programme sa Pyongyang.

Gikondena usab sa Pyongyang sa miaging semana ang US-led naval drill nga giapilan sa South Korea ug Japan ug gihimo gikan Agosto 29 hangtod Setyembre 10 duol sa Guam.

Gibasol ni Kim Yo Jong sa North Korea, ang impluwensyal nga igsoon nga babaye ni leader Kim Jong Un, niadtong Biyernes ang US-led military drills sa “ever-worsening” tensions sa Korean Peninsula ug misaad nga walay kausaban sa direksyon sa nasod sa pagpalig-on sa nuclear arsenal niini. nuclear arsenal. -Ato ni Bai