top of page
Bai (150 x 150 px) (100 x 100 px).png

North Korea Mipagawas og Mga 10 ka Ballistic Missile Paingon sa Dagat

Mipagawas ang North Korea og mga 10 ka short-range ballistic missile paingon sa dagat sa sidlakang baybayon niini niadtong Huwebes, sumala sa Joint Chiefs of Staff (JCS) sa South Korea.

Reuters; Gihubad ni Herli Mae Virador / Ato ni Bai

October 30, 2026 at 7:19:27 AM

North Korea launches a tactical ballistic missile during a test.

A tactical ballistic missile is launched during a test in North Korea, October 12, 2026, according to the Korean Central News Agency (KCNA), in this picture released by North Korea's official Korean Central News Agency.

Reuters

Mipagawas ang North Korea og mga 10 ka short-range ballistic missile paingon sa dagat sa sidlakang baybayon niini niadtong Huwebes, sumala sa Joint Chiefs of Staff (JCS) sa South Korea.


Gipagawas ang mga missile mga alas 12:30 sa udto (0330 GMT) gikan sa lugar duol sa Wonsan sa sidlakang baybayon sa North Korea, matod sa JCS sa usa ka pahayag.


Gipalig-on sa militar sa South Korea ang pagbantay ug gipadayon ang ilang pagkaandam kon adunay dugang nga pagpabuto og mga missile. Hugot usab silang nakigbayloay og impormasyon sa United States ug Japan, dugang niini.


Matod sa Defence Ministry sa Japan, mipagawas ang North Korea og usa ka butang nga posibleng ballistic missile ug nahulog kini sa gawas sa Exclusive Economic Zone sa Japan, sumala sa Yonhap News Agency.


Miingon usab kaniadto ang Coast Guard sa Japan nga ang gipagawas nga projectile posibleng ballistic missile ug nahulog na sa dagat.


Kataposang mipagawas ang North Korea og mga ballistic missile niadtong Oktubre 12, taliwala sa nagkagrabeng tensiyon sa utlanan sa duha ka Korea human sa pagbuto sa usa ka mina nga nakapasamad sa mga sundalo sa South Korea niaging bulan.


Kapin sa 10 ka higayon nang nagpahigayon og missile tests ang Pyongyang karong tuiga. -Reuters; Gihubad ni Herli Mae Virador / Ato ni Bai

bottom of page