North Korea Miingon Bag-ong Missile Test Maghatag og ‘Incurable Headache’ sa Kaaway

Miingon ang North Korea nga malampuson nitong nasulayan niadtong Domingo ang usa ka bag-ong armas nga nagpakita sa “ultra-modern defence technology,” sa usa ka paglunsad nga gidumala ni leader Kim Jong Un, kinsa midayeg sa pag-uswag sa pagpalig-on sa pagkaandam sa nasud alang sa gubat, matod sa state media niadtong Martes.

Matod ni Kim, ang test nga gihimo sa Missile Administration sa North Korea nagpakita og dakong pag-uswag sa abilidad sa armed forces sa nasud sa pagpakig-away ug “the enemy will know better what such progress means without any explanation.”

“He affirmed that such reality would give the enemy an incurable headache and a very cruel and unavoidable blow,” matod ni Kim.

Wala gitino sa report sa KCNA ang matang sa armas nga gisulayan.

Makita sa mga hulagway nga gipagawas sa KCNA si Kim, kauban ang iyang tin-edyer nga anak nga babaye, nga nagsusi sa usa ka screen nga nagpakita sa mapa sa sidlakang baybayon sa nasud ug sa “flight trajectory” sa Hwasongpho-11-ma-1, nga posibleng kabahin sa serye sa short-range ballistic missiles nga gipauswag sa Pyongyang.

Miingon ang NK News, usa ka website nga nakabase sa Seoul ug nag-espesyal sa North Korea, nga ang projectile daw usa ka gipauswag nga variant sa missile nga adunay hypersonic glide vehicle.

Ang pagbutang og glide vehicle sa missile nagpasabot nga ang warhead mahimong makamaniobra aron makalikay sa anti-missile defences ug posible usab nga malunsad nga moabot sa bahin sa orbit.

Ang hypersonic missiles lakip sa nagkalain-laing armas nga gipatawag ni Kim nga pauswagon aron mapalig-on ang nuclear capabilities sa nasud.

Miingon ang South Korean military niadtong Domingo nga nagpabuto ang North Korea og duha ka short-range ballistic missiles paingon sa kadagatan sa sidlakang baybayon niini.

Nahimo ang test pipila ka adlaw human giakusahan sa Pyongyang ang US nga nagpasamot sa tensiyon sa Korean Peninsula pinaagi sa sunod-sunod nga military drills.

Niadtong Lunes, nagkita ang foreign ministers sa South Korea, Japan, ug United States sa sidelines sa UN General Assembly sa New York ug nagkauyon nga hugot nga magkoordinar alang sa kalinaw, kalig-on, ug denuclearisation sa Korean Peninsula, sumala sa foreign ministry sa Seoul. -Ato ni Bai