Nobyembre 16-18 Gideklarang Holidays sa Metro Manila alang sa ASEAN Summit

Gideklarar ni President Ferdinand R. Marcos Jr. ang Nobyembre 16 hangtod 18, 2026 isip special non-working days sa National Capital Region (NCR) aron makatabang sa pagpagaan sa trapiko ug pagsiguro sa kaluwasan sa mga partisipante sa 49th ASEAN Summit and Related Meetings.

Ubos sa Proclamation No. 1447 nga gipirmahan ni Acting Executive Secretary Ralph G. Recto niadtong Setyembre 17 pinaagi sa awtoridad sa Presidente, sakop sa tulo ka adlaw nga holiday ang tibuok NCR.

Matod sa proklamasyon, ipahigayon sa NCR ang 497th ASEAN Summit and Related Summits, hinungdan nga gideklarar sa gobyerno ang special non-working days aron mapagaan ang trapiko ug tugotan ang host country nga masiguro ang kaluwasan sa mga partisipante sa summit.

Sakop sa maong lakang ang Lunes, Nobyembre 16, hangtod Miyerkules, Nobyembre 18.

Andam ang Pilipinas nga mahimong host sa ASEAN Summit ug may kalabotang high-level meetings isip kabahin sa papel niini isip ASEAN chair sa 2026. -Ato ni Bai