NKTI Nagpasidaan Batok sa Online Jokes sa Pagbaligya og Kidney para sa Gadgets

Nagpasidaan ang National Kidney and Transplant Institute (NKTI) niadtong Miyerkules batok sa uso sa social media nga nagpakita og mga komedya ug artificial intelligence (AI)-generated images bahin sa pagbaligya o pagbaylo og kidney alang sa gadgets.

Giila sa NKTI nga ang mga post gituyo isip komedya ug dili aron mag-aghat og ilegal nga mga buhat.

Apan miingon kini nga “human organs must never be treated as commodities or forms of payment.”

“Even when made in jest, such posts may be misunderstood, particularly by young or vulnerable audiences,” dugang sa NKTI.

Miingon ang institute nga ang maong content mahimong makapakaylap og sayop nga impormasyon, makamugna og sayop nga pagsabot nga legal ang pagbaligya og organ, ug makapamenos sa mga kasinatian sa living donors, transplant recipients ug mga pasyente nga naghulat og transplant.

Giawhag niini ang publiko nga mahimong mas sensitibo ug responsable sa pag-post online ug gamiton ang digital platforms aron ipakaylap ang tukmang impormasyon ug pagtahod sa dignidad sa mga tawo nga nalambigit sa organ donation.

“Organ donation is a gift of life – not a means of payment,” matod sa NKTI. -Ato ni Bai