Nagpasidaan og ‘Economic D-Day’ Batok sa Iran

Gihulga sa U.S. ang Iran sa gitawag niini nga “the greatest financial offensive ever marshalled” samtang nangandam kini sa pagpahamtang sa Lunes og economic sanctions nga target ang mga nasud nga nakignegosyo sa Iran.

Mitubag ang Iran pinaagi sa pagsaad nga hunongon ang tanang pag-eksport sa lana gikan sa Gulf “if the economic war continues.”

Magpahigayon si U.S. Treasury Secretary Scott Bessent og press conference alas 1 sa hapon EDT (1700 GMT) sa Lunes taliwala sa mga saad nga ipahibalo ang mas bug-at pang mga lakang batok sa nasud nga halos padayon nga gipahamtangan og economic sanctions sukad sa Islamic Revolution niadtong 1979.

“At dawn begins an economic D-Day — the single greatest financial offensive ever marshalled against an adversary,” misulat si Bessent sa usa ka opinion piece nga gipatik sa Financial Times niadtong Domingo.

Wala na maglunsad og military strikes batok sa usag usa ang duha ka nagkaaway nga nasud sulod sa pipila ka semana, apan wala usab sila makahimo og makahuloganong panag-istorya aron tapuson ang unom ka bulan nang panagbangi.

Liboan ka tawo ang namatay, kadaghanan kanila sa Iran ug Lebanon, sukad gisugdan sa U.S. ug Israel ang mga pag-atake niadtong Pebrero 28, nga nakapaluya sa dakong bahin sa conventional military capacity sa Iran ug nakapabug-at sa ekonomiya niini, samtang napatay usab si Iranian Supreme Leader Ayatollah Ali Khamenei.

Apan, nakapabilin ang Iran og igo nga missile ug drone capability aron maatake ang silingang mga nasud niini sa Gulf ug hulgaon ang mga oil tanker sa Strait of Hormuz, nga nakapahunong sa halos tanang shipping sa mahinungdanong agianan sa dagat ug nakapadugang sa presyur sa presyo sa sugnod sa tibuok kalibotan. Wala gihapon mahibaloi ang eksaktong kahimtang sa nuclear program sa Iran, nga gustong wagtangon sa mga Amerikano ug Israeli.

Bisan wala maghatag og detalye sa espesipikong mga lakang, gipahibalo ni Bessent nga targeton sa U.S. ang “fearful nations” nga nagpraktis og “appeasement” pinaagi sa pagpakigtransaksyon sa ekonomiya ug financial system sa Iran.

“They would do well to consider the consequences of sustaining it,” misulat siya sa Financial Times.

Pila na ka adlaw nga nangandam ang Iran alang sa mga sanctions, ug nagpagawas kini og sunod-sunod nga kusgan nga mga pahayag nga nagtimaan sa posibleng dakong military response.

Gisugyot ni Mohsen Rezaei, secretary sa Iran’s Supreme National Security Council, niadtong Domingo ang ekonomikanhong pagbalos.

“If the economic war continues, not a single drop of oil will be exported, neither through the Strait of Hormuz nor from anywhere in the Persian Gulf,” misulat si Rezaei sa usa ka social media post. “Iran will regard any country’s participation in or support for America’s economic war against the Iranian people as an act of war.”

Una nang giawhag ni Bessent ang China nga makigtambayayong sa U.S., ug gipasabot nga sa kasaysayan, katunga sa oil imports sa China gikan sa Gulf region. Mitubag ang spokesperson sa China’s embassy sa Washington pinaagi sa pahayag nga “sanctions and pressure do not help resolve the problem,” samtang nanawagan alang sa diplomasya.

Naa na daan sa presyur ang ekonomiya sa Iran tungod sa international sanctions sa wala pa giguba sa mga pag-atake sa U.S. ug Israel ang pipila ka bahin sa imprastraktura niini.

Bisan nagpadayon ang Tehran sa pagpakitag pagsukol, nagpasidaan ang Iranian officials nga ang dugang nga ekonomikanhong silot mahimong makapadugang sa kalisod, makapukaw pag-usab sa kagubot, ug dugang nga makapaluya sa lehitimidad sa Islamic Republic.

Misulod ang Iran sa gubat nga adunay taas nga inflation, nagkaluya nga currency, kakulang sa enerhiya, sanctions, ug dagkong structural weaknesses, ug karon kinahanglan usab kining moatubang sa nadaot nga imprastraktura, nabalda nga negosyo, nawalang produksyon, ug gasto sa pagtukod pag-usab.

Tungod kay walay opisyal nga face-to-face talks tali sa U.S. ug Iran, nga kataposang gihimo niadtong Hunyo sa Switzerland, misulay ang ubang mga nasud lakip ang Qatar, Pakistan, ug Turkey sa pagdasig sa diplomasya.

Miingon ang Iran nga mobisita sa Tehran sa Lunes si Pakistan’s army chief Asim Munir isip kabahin sa mga paningkamot nga mapasig-uli ang kalinaw ug seguridad sa rehiyon, apan gamay ra ang detalye nga gihatag niini.

Nagpataliwala ang Pakistan sa panagbangi, ug usa ka tinubdan sa Pakistani government miingon nga hisgutan ni Munir ang bag-ong mga panghitabo, lakip ang hulga sa U.S. nga magpahamtang og bag-ong sanctions.

Nakapatay og liboan ka tawo ug nakapahawa sa milyon-milyon gikan sa ilang mga puy-anan ang mga pag-atake sa U.S. ug Israel sa Iran ug ang mga pag-atake sa Israel sa Lebanon atol sa gubat. Mitaho ang U.S. nga 18 ka military personnel ang namatay ug kapin sa 750 ang nasamdan. -Ato ni Bai