Mga biktima sa abuso mihangyo kang Pope Leo nga paspason ang kaso sa Slovenian priest

Mihangyo ang lima ka biktima sa giingong abuso sa usa ka prominenteng pari nga adunay koneksyon sa Vatican kang Pope Leo niadtong Miyerkules nga iduso ang pagtapos sa hapit usa ka tuig nang Church trial batok sa pari, nga matod nila ang taas ug sekretong proseso nagpugong kanila sa hustisya.

Sa usa ka open letter sa wala pa ang upat ka adlaw nga pagbisita ni Leo sa France, diin gilauman sa pope nga mapauswag pag-usab ang pagsalig sa Church human sa mga iskandalo sa abuso didto, matod sa mga biktima ni Rev. Marko Rupnik nga ang ilang pagtratar nagpakita og dili maayong hulagway sa paningkamot sa Church sa pagtabang sa mga biktima.

“This is the message being conveyed … that it is useless to report abuse to ecclesiastical authorities, because nothing happens anyway and no one will be held accountable,” matod sa sulat.

Matod sa mga biktima, wala sila makadawat og bisan unsang update bahin sa Church trial ug wala usab sila hatagi og higayon nga makahatag og testimonya.

Gihangyo nila si Leo nga iduso ang usa ka patas nga husay “so that the judgment and its outcome, whatever it may be, will remain free of any shadow of doubt.”

Wala dayon maghatag og komento ang Vatican press office.

Si Rupnik, usa ka Slovenian priest, usa ka religious artist nga ang iyang mga mosaic makita sa mga 200 ka simbahan ug kapilya sa tibuok kalibotan, lakip ang usa ka basilica sa Lourdes, France, diin mobisita ang pope sa Sabado.

Gimando sa bishop sa Lourdes nga tabunan ang mga mosaic alang sa pagbisita sa pope.

Kapin sa 20 ka babaye, kadaghanan mga kanhi madre, ang mipasangil kang Rupnik og sexual ug psychological abuse.

Gipalagpot ang pari gikan sa Jesuit order niadtong 2023 human nakaplagan sa order nga “very highly” credible ang mga akusasyon batok kaniya. Wala mahibaloi nga nakahatag siya og publikong komento bahin sa mga akusasyon.

Ang hepe sa makagagahom nga Vatican’s doctrinal office unang mipahibalo niadtong Oktubre 2025 nga adunay Church trial batok kang Rupnik. Ang maong mga husay gihimo nga sirado sa publiko ug gamay ra ang mga update sukad niadto. Niadtong Hulyo, gipanghimakak sa Vatican ang mga taho nga nakadesisyon na bahin sa kaso.

-Ato ni Bai