Mga baybayon sa Western Australia sirado gihapon human sa shark attack

Magpabiling sirado hangtod labing menos Domingo ang pipila ka baybayon sa Western Australia, lakip sa state capital nga Perth, human sa makamatay nga shark attack sa usa ka sikat nga baybayon sa siyudad niadtong Biyernes, matod sa mga awtoridad.

Namatay ang usa ka lalaking swimmer human giatake sa iho sa Sorrento Beach, mga 20 km (12 miles) gikan sa central business district sa Perth, nga miresulta sa pagsira sa mga baybayon sa 17 km (11 miles) nga bahin sa coastline.

Sirado gihapon hangtod labing menos udto (0400 GMT) sa Domingo ang mga baybayon sa Joondalup area sa Perth, matod sa state government niadtong Sabado. "Officers from Department of Primary Industries and Regional Development will continue to conduct land-based patrols," matod niini sa usa ka alert.

Pinakabag-o ang insidente niadtong Biyernes sa sunod-sunod nga shark attacks sa Australia ug nahitabo human napaakan ang usa ka surfer sa laing pag-atake sa maong state niadtong Lunes.

Atol sa maong pag-atake sa lungsod sa Geraldton, mga 400 km (250 miles) sa amihanan sa Perth, naputol ang tiil sa surfer ug nakaangkon siya og grabeng samad sa iyang paa, sumala sa local media.

Niadtong Hunyo, namatay ang usa ka 35-anyos nga lalaki samtang nag-spearfishing sa south coast sa state, samtang usa ka 38-anyos nga lalaki ang namatay human giatake sa iho duol sa usa ka isla sa Perth niadtong Mayo.

-Ato ni Bai