Malacañang nagmando og alternative work, learning setup sa Metro Manila, 13 ka probinsya

Gimando sa Malacañang niadtong Huwebes ang pagpatuman sa alternative work ug learning arrangements sa Metro Manila ug 13 ka probinsya tungod sa padayong pag-ulan ug sa natigom nga epekto sa dugay nang ulan.

Gipirmahan ni Executive Secretary Ralph Recto, pinaagi sa awtoridad sa Presidente, ang Memorandum Circular (MC) No. 135 human sa rekomendasyon sa National Disaster Risk Reduction and Management Council (NDRRMC) tungod sa padayong kusog nga ulan nga dala sa gikusog nga Southwest Monsoon o habagat ug sa epekto sa dugay nang pag-ulan.

Sakop sa MC No. 135 ang National Capital Region, La Union, Pangasinan, Benguet, Bataan, Bulacan, Pampanga, Zambales, Batangas, Cavite, Laguna, Rizal, Occidental Mindoro, ug Oriental Mindoro.

Magpadayon sa operasyon ang mga ahensya sa gobyerno nga naghatag og batakang serbisyo ug serbisyong panglawas, disaster preparedness and response, ug uban pang importanteng serbisyo.

“Contract of Service and Job Order workers who are placed under alternative work arrangements shall be paid the corresponding wages or salaries, subject to applicable rules and regulations,” matod sa mando.

Ipatuman ang alternative learning modes sa tanang lebel sa publiko ug pribadong mga eskwelahan sa mga apektadong lugar, gawas kon adunay laing mando ang mga local chief executive.

Mahimo usab nga magmando ang mga local chief executive og suspension sa klase ug/o trabaho sa mga opisina sa gobyerno sa ubang mga lugar kon gikinahanglan.

Alang sa pribadong sektor, ang desisyon kon suspindihon ang trabaho o magpatuman og alternative work arrangements magdepende sa management.

-Ato Ni Bai