Luzon ug Visayas Makasinati Gihapon og Ulan Tungod sa Habagat

MANILA – Magpadayon ang southwest monsoon o “habagat” sa pag-apekto sa Luzon ug Visayas, nga magdala og panagsang hangtod nagkatag nga ulan ug thunderstorm sa pipila ka lugar, matod sa Philippine Atmospheric, Geophysical and Astronomical Services Administration (PAGASA) niadtong Domingo.

Sa 4 a.m. bulletin niini, miingon ang PAGASA nga gilauman ang panagsang ulan sa Zambales, Bataan, Cavite, Batangas ug Occidental Mindoro.

Makasinati ang Metro Manila, Ilocos Region, Cordillera Administrative Region, Western Visayas, nahibiling bahin sa Mimaropa, Rizal, Laguna ug Antique og dag-om nga kalangitan uban sa nagkatag nga ulan ug thunderstorm nga dala usab sa southwest monsoon.

Gipasidan-an sa PAGASA nga posibleng mahitabo ang flash flood o landslide tungod sa kasarangan hangtod kusog nga ulan.

Makasinati ang nahibiling bahin sa Luzon ug Visayas og medyo dag-om hangtod dag-om nga kalangitan uban sa pipila ka rainshower o thunderstorm.

Makasinati usab ang Mindanao og medyo dag-om hangtod dag-om nga kalangitan uban sa pipila ka rainshower o thunderstorm tungod sa localized thunderstorms.

Samtang, miingon ang PAGASA nga ang Tropical Storm Krovanh (kanhi Pilandok) nahimutang 875 km. sa amihanan-sidlakan sa extreme northern Luzon ug nagalihok paingon sa sidlakan-habagatan-sidlakan sa 10 km. per hour (kph).

Aduna kini maximum sustained winds nga 65 kph duol sa sentro ug gustiness nga moabot sa 80 kph.

Gitagna usab sa PAGASA ang kasarangan hangtod kusog nga hangin sa extreme northern Luzon, gikan sa habagatan-kasadpan hangtod kasadpan, samtang gilauman nga kasarangan hangtod bawod ang kadagatan sa baybayon nga moabot sa 1.5 hangtod 3.4 metros.

Makasinati ang nahibiling bahin sa Luzon og hinay hangtod kasarangan nga hangin gikan sa habagatan-kasadpan, uban sa hinay hangtod kasarangan nga balod sa kadagatan sa baybayon nga moabot sa 0.6 hangtod 2.5 metros.

Makasinati ang nahibiling bahin sa nasod og hinay hangtod kasarangan nga hangin gikan sa habagatan hangtod habagatan-kasadpan, samtang gilauman nga hinay hangtod kasarangan ang balod sa kadagatan sa baybayon nga moabot sa 0.6 hangtod 2.1 metros.

-Ato Ni Bai