Luzon, makasinati og ulan tungod sa ‘habagat’

Makasinati og ulan ang Luzon karong Biyernes tungod sa nagpadayong southwest monsoon o “habagat,” matod sa weather bureau.

Giingon sa Philippine Atmospheric, Geophysical and Astronomical Services Administration (PAGASA) nga makasinati og monsoon rains ang Zambales ug Bataan. Samtang, panagsang ulan ang gilauman sa Pangasinan, Pampanga, Tarlac, Bulacan, Metro Manila, Rizal, Cavite, Batangas, ug Occidental Mindoro.

Makasinati og nagkatag nga ulan ug thunderstorms ang Cagayan Valley, Cordillera Administrative Region, ubang bahin sa Ilocos Region, ubang bahin sa Central Luzon, ubang bahin sa Calabarzon, ubang bahin sa Mimaropa, Antique, Iloilo, ug Guimaras.

Posibleng hinungdan sa kalit nga pagbaha o pagdahili sa yuta ang kasarangan ngadto sa kusog nga ulan sa nahisgutang mga lugar. Gitagna usab nga magdala ang habagat og panagsang ulan o thunderstorms sa ubang bahin sa Luzon ug sa Visayas.

Gilauman usab ang samang kahimtang sa panahon sa Mindanao tungod sa localized thunderstorms. Posible usab ang kalit nga pagbaha o pagdahili sa yuta panahon sa kusog nga thunderstorms, pasidaan sa PAGASA.

Samtang, makasinati ang tibuok Luzon og kasarangan ngadto sa kusog nga hangin ug kasarangan ngadto sa balod kaayong kadagatan. Sa ubang mga lugar, hinay ngadto sa kasarangan ang hangin ug gamay ngadto sa kasarangan ang mga balod, matod sa PAGASA. -Ato ni Bai