Luzon, makasinati og ulan tungod sa ‘habagat’

Padayong makaapekto sa Luzon karong Domingo ang southwest monsoon o “habagat” samtang gibantayan sa weather bureau ang duha ka tropical systems sa gawas sa Philippine Area of Responsibility (PAR).

Sa alas-4 sa kadlawon nga bulletin niini, miingon ang Philippine Atmospheric, Geophysical and Astronomical Services Administration (PAGASA) nga makasinati og panagsang ulan ang Batanes.

Makasinati ang Metro Manila, Ilocos Region, Cordillera Administrative Region, Central Luzon, Rizal, Cavite, Batangas, Occidental Mindoro ug ubang bahin sa Cagayan Valley og madag-umon nga kalangitan uban sa nagkatag nga ulan ug mga dalugdog.

Makasinati ang ubang bahin sa Luzon og medyo madag-umon hangtod sa madag-umon nga kalangitan uban sa pipila ka pag-ulan o dalugdog tungod sa habagat, samtang ang ubang bahin sa nasod adunay medyo madag-umon hangtod sa madag-umon nga kalangitan uban sa pipila ka pag-ulan o dalugdog tungod sa localized thunderstorms.

Samtang, padayong gibantayan sa PAGASA ang Typhoon Saudel ug Tropical Depression Gaenari, nga parehong anaa sa gawas sa PAR.

Alas-3 sa kadlawon, nahimutang ang Saudel 2,245 kilometers sa sidlakan sa extreme northern Luzon, nga adunay maximum sustained winds nga 175 kilometers per hour (kph) ug gustiness nga moabot sa 215 kph, ug nagalihok pa-west northwest sa 25 kph.

Samtang, nahimutang ang Gaenari 565 km sa amihanan sa Itbayat, Batanes, nga adunay maximum sustained winds nga 55 kph ug gustiness nga moabot sa 70 kph, ug nagalihok pa-kasadpan sa 10 kph.