Lithuania Miingong mga Langgam Diay ang Gituohang mga Drone

Miingon ang Lithuania nga ang gituohang mga drone nga nakita sa airspace niini sayo niadtong Domingo, nga maoy hinungdan sa pagsira sa mga awtoridad sa Vilnius airport ug pagpadala sa NATO og labing menos usa ka fighter jet, panon diay kini sa mga langgam.

Gitapos ang air alert ug giablihan pag-usab ang airport sulod sa 38 minutos, human makumpirma sa NATO jet pinaagi sa aktuwal nga pagtan-aw kung unsa ang nakita, matod sa Lithuania’s National Crisis Management Centre.

“On initial radar readings, marks left by birds and drones can be similar,” matod pa niini sa usa ka pahayag.

Gipadala ang usa ka jet gikan sa Siauliai sa amihanang Lithuania, matod sa centre, diin kasamtangang nakabase ang Italian air force isip kabahin sa NATO Baltic Air Defence mission.

Nagpataas sa kabalaka nga basin mokatag ang gubat sa Ukraine ngadto sa amihanang mga utlanan sa NATO uban sa Russia ang mga military drone nga nasulod sa airspace sa Finland, Estonia, Latvia ug Lithuania.

Wala mabalda ang Vilnius marathon, nga gihimo niadtong higayona sa kapital, matod sa mga organizer ngadto sa Reuters. -Ato ni Bai