Lisensya sa rider, gibawi tungod sa viral nga malaw-ay nga buhat

MANILA – Gibawi sa Land Transportation Office (LTO) sulod sa duha ka tuig ang driver's license sa usa ka motorcycle rider human kini gideklarar nga Improper Person to Operate a Motor Vehicle tungod sa usa ka malaw-ay nga insidente nga mikaylap sa social media.

Sa usa ka news release niadtong Biyernes, gipahayag ni LTO chief Assistant Secretary Markus Lacanilao nga gipadalhan og show cause order (SCO) ang rider.

"Ang pampublikong kalsada ay hindi kailanman lugar para pairalin ang kabastusan at kawalan ng respeto sa ibang tao. May mga batas at alituntuning ipinapatupad ang LTO na dapat sundin at hindi balewalain (The public road is not a place for indecency and disrespect toward others. The LTO enforces laws and regulations that must be followed and not ignored)," matod niya.

Sa usa ka post ug video nga mikaylap sa social media, giingon sa usa ka babaye nga usa ka lalaki nga nagsakay og motorsiklo ang giingong nagpakita sa iyang pribadong parte sa lawas samtang naglakaw siya. Migawas usab ang mga taho bahin sa laing susamang insidente nga naglambigit sa mao gihapong rider.

Atol sa hearing, personal nga mitambong ang rider ug gikumpirma nga siya ang tawo nga makita sa viral video.

Giangkon usab niya nga kaduha nahitabo ang insidente, apan gipasabot niya nga laing motorsiklo ang gigamit niadtong mga higayona ug dili ang motorsiklo nga sakop sa imbestigasyon sa LTO.

Ang motorsiklo nga sakop sa imbestigasyon nagpabilin nga ubos sa alarm status.

"Kung ang isang kilos ay nagdudulot ng pagkatakot at pangamba sa ibang tao, hindi natin palalampasin ang ganitong uri ng kabastusan. Nararapat lamang na bawiin ang lisensya niya (If an act causes fear and alarm to others, we will not let this kind of indecency pass. It is only proper that his license be revoked)," dugang ni Lacanilao.

-Ato ni Bai