Lalaki Patay Human Misulod sa Hawla sa Tigre sa Zoo sa Britain

Namatay ang usa ka lalaki niadtong Sabado human misulod sa hawla sa tigre sa Yorkshire Wildlife Park sa Britain ug giatake sa maong mananap, sumala sa kapulisan.

Matod sa South Yorkshire Police, gitawag ang ilang mga opisyal ngadto sa zoo human makadawat og taho nga adunay lalaki nga misulod sa hawla. Giklaro usab sa kapulisan nga wala nay laing hulga sa kaluwasan sa publiko.

"The man's family is aware and is being supported by specialist officers. Our thoughts are with them at this distressing time," matod sa kapulisan sa usa ka pahayag.

Gipahibalo sa Yorkshire Wildlife Park nga temporaryo nilang gisirhan ang zoo human sa usa ka "serious incident" nga nalambigit sa hawla sa tigre.

Nakigtambayayong usab sila sa mga awtoridad aron mahibal-an ang tinuod nga nahitabo. Magpabiling sirado ang zoo hangtod sa Domingo.

"The safety and wellbeing of our visitors, staff and animals remain our highest priority," matod sa zoo sa usa ka pahayag sa ilang website. -Ato ni Bai