Kanhi Prime Minister Cesar E.A. Virata namatay sa edad nga 95

Namatay niadtong Biyernes, Oktubre 2, 2026, sa edad nga 95 ang kanhi Prime Minister ug Finance Minister nga si Cesar E.A. Virata, nga giila isip usa ka tinuod nga statesman.

Gitahod isip usa sa labing maayong economic technocrats sa nasod, gigahin ni Virata ang kapin sa 60 ka tuig sa iyang kinabuhi sa public administration, academia, corporate governance, ug pagpreserbar sa kasaysayan.

Natawo sa Kawit, Cavite niadtong Disyembre 12, 1930, kaliwat si Virata sa revolutionary leader nga si General Baldomero Aguinaldo, nga first cousin sa unang Presidente sa Pilipinas nga si Emilio Aguinaldo.

Nagtuon si Virata og business ug administration sa University of the Philippines sa Diliman, Quezon City, sa wala pa niya makuha ang Master of Business Administration (MBA) degree gikan sa Wharton School sa University of Pennsylvania.

Niadtong 1950s, mibalik siya sa UP isip faculty member sa College of Business Administration. Sa ulahi, nahimo siyang full professor ug Dean sa kolehiyo.

Isip pag-ila sa iyang academic legacy ug kontribusyon sa nasodnong kalamboan, sa ulahi giilisan ang ngalan sa kolehiyo ngadto sa Cesar E.A. Virata School of Business.

Government service ug economic stewardship

Isip usa ka hanas nga fiscal strategist, misulod si Virata sa gobyerno aron motabang sa pagreporma ug pagdumala sa nasodnong economic policy atol sa termino ni President Ferdinand Marcos Sr., amahan ni incumbent President Ferdinand Marcos Jr.

Isip Minister of Finance gikan 1970 hangtod 1986, gidumala ni Virata ang national economic planning, debt restructuring, fiscal discipline, ug unang mga paningkamot sa economic liberalization.

Isip Director-General sa NEDA, si Virata ang unang nangulo sa National Economic and Development Authority, nga karon Department of Economy, Planning, and Development o DEPDEV.

Isip Prime Minister of the Philippines gikan 1981 hangtod 1986, nagsilbi siya isip head of government atol sa administrasyon ni President Ferdinand Marcos Sr., usa ka posisyon nga iyang gihuptan hangtod sa 1986 EDSA People Power Revolution.

Sa international level, nagsilbi si Virata sa Boards of Governors sa World Bank ug Asian Development Bank (ADB), ug nangulo sa joint World Bank–IMF Development Committee.

Tungod sa iyang trabaho sa international diplomacy, nadawat niya ang Grand Cordon of the Order of the Rising Sun sa Japan niadtong 2016.

Cultural Heritage ug Post-Government Life

Sumala sa National Historical Commission, human sa iyang pagbalhin gikan sa public office ngadto sa private life human sa 1986, mibalik si Virata sa pagtudlo sa academe.

Nagpabilin usab siyang aktibo sa corporate world, diin nagsilbi siya sulod sa kapin sa duha ka dekada isip Corporate Vice Chairman ug Director sa Rizal Commercial Banking Corporation (RCBC) hangtod sa iyang pagkamatay.

Sa tibuok niyang career, nagpabilin si Virata nga dakong tigpaluyo sa pagpreserbar ug pagpasiugda sa national ug local heritage.

Niadtong Hunyo 21, 1984, pormal niyang gidonar ngadto sa National Historical Institute ang ancestral house ni General Baldomero Aguinaldo sa Binakayan, Kawit, Cavite.

Karon, gipreserbar ug gidumala kini isip NHCP Baldomero Aguinaldo Shrine.

Isip pangulo sa Cavite Historical Society ug aktibong miyembro sa Local Historical Committees Network, gipangulohan niya ang mga inisyatiba sa research, preservation, ug historical awareness sa tibuok niyang home province.

-Ato ni Bai