Kamatayon sa dengue sa Bangladesh, misaka; pagkaylap sa sakit gipaabot hangtod Disyembre
Narekord sa Bangladesh ang pinakadaghang namatay sa dengue sulod sa usa ka bulan karong tuiga niadtong Oktubre, samtang nagpasidaan ang mga eksperto nga dili pa gipaabot nga mokunhod og dako ang pagkaylap sa sakit sa wala pa ang Disyembre.
Ruma Paul / Reuters; Gihubad ni Herli Mae Virador / Ato ni Bai
November 1, 2026 at 10:08:25 AM

Gihatagan og pagtambal ang mga batang natakdan sa dengue sa Mugda Medical College and Hospital sa Dhaka, Bangladesh, Oktubre 7, 2026.
Reuters / Mohammad Ponir Hossain
Narekord sa Bangladesh ang pinakadaghang namatay sa dengue sulod sa usa ka bulan karong tuiga niadtong Oktubre, samtang nagpasidaan ang mga eksperto nga dili pa gipaabot nga mokunhod og dako ang pagkaylap sa sakit sa wala pa ang Disyembre.
Mikabat na sa 418 ang namatay ug kapin sa 133,000 ang na-admit sa mga ospital tungod sa dengue karong tuiga hangtod Oktubre 30, sumala sa datos sa health ministry. Sa Oktubre lamang, 173 ang namatay, nga milapas sa 148 nga narekord niadtong Septiyembre, ug naghimo niini nga bulan nga adunay pinakadaghang namatay sa dengue sa 2026 hangtod karon.
Nahitabo ang pagsaka sa mga kaso samtang nakigbatok usab ang Bangladesh sa pinakagrabeng pagkaylap sa measles sa kalibotan, nga nakapatay na og kapin sa 1,200 ka tawo, nga nakadugang sa kabug-at sa sistema sa panglawas nga naglisod na sa pag-atiman sa mga pasyente.
MGA OSPITAL, NAG-ATUBANG OG DAKONG KABUG-AT
Matod sa mga doktor, daghang pasyente sa dengue ang magpa-admit lamang sa ospital human makasinati og grabeng komplikasyon. Sa state-run Shaheed Suhrawardy Medical College and Hospital sa Dhaka, 279 ka pasyente sa dengue ang gitambalan human adunay 67 ka bag-ong na-admit sulod lamang sa usa ka adlaw, sumala kang hospital director Mirza Golam Sarwar.
"We are getting many patients in shock. Their blood pressure is sometimes too low to measure, and their oxygen levels are dropping," matod niya.
Matod ni medicine specialist ABM Abdullah, ang balik-balik nga impeksiyon ug pagkalangan sa diagnosis ug pagtambal maoy nakadugang sa grabeng mga kaso ug kamatayon.
"People who have had dengue before may face a greater risk of severe illness if they become infected again," matod niya, samtang nag-awhag sa publiko nga wagtangon ang mga lugar nga mahimong pamahayan sa lamok ug magpakonsulta dayon kon adunay mga sintomas.
Si Faisal Ferdous, 33, usa ka residente sa Dhaka, nadayagnos og dengue niadtong 2017, 2024, ug pag-usab sayong bahin karong bulana. "This time, both my wife and I needed hospital treatment," matod ni Ferdous, nga karon nagpahulay ug nagpaayo sa ilang balay.
Matod ni Ferdous, nagkasakit silang magtiayon wala madugay human sila nagpabilin sulod sa pipila ka adlaw sa usa ka ospital diin gitambalan ang ilang lima ka tuig nga anak nga lalaki tungod sa laing sakit.
"Every bout has been difficult, and after getting it repeatedly, you become increasingly concerned about the risk of severe illness," matod niya.
Nagpasidaan ang mga eksperto sa panglawas nga ang pagkaylap sa tanang upat ka serotype sa dengue virus nagpadako sa risgo sa grabeng sakit. Ang mga tawo nga natakdan sa usa ka strain mahimo gihapong matakdan sa laing strain sa ulahi, nga nagpadako sa posibilidad sa mga komplikasyon. Wala pa nagpaila ang Bangladesh og bakuna batok sa dengue, bisan og gikonsiderar kini sa mga awtoridad isip usa ka dugayng solusyon.
CLIMATE CHANGE, NAKAPALUGWAY SA PANAHON SA DENGUE
Matod ni entomologist Kabirul Bashar sa Jahangirnagar University, dili gipaabot nga magpadayon ang pagsaka sa mga kamatayon sa sama nga kapaspason niadtong Oktubre, apan lagmit magpadayon ang pagkaylap sa dengue hangtod Nobyembre.
"We may see some relief, but dengue is unlikely to disappear in November. Any decline is likely to be modest, with significant improvement unlikely before December," matod niya.
Matod ni Bashar, magpadayon ang pagpusa sa mga lamok gikan sa mga lugar nga napundohan og tubig tungod sa miaging mga pag-ulan, nga magpadayon sa pagkaylap sa dengue bisan og nagkagamay na ang ulan. Ang nag-usab-usab nga mga pattern sa ulan ug humidity, nga adunay kalabotan sa climate change, nakapalugway sa panahon sa pagpasanay sa mga lamok ug nakapahimo sa Aedes mosquitoes nga magpabiling aktibo sulod sa mas taas nga panahon, matod niya.
%20(100%20x%20100%20px).png)