Kamatayon sa Australia Gilaum nga Molapas sa Pagkatawo sa 2060s—Report

Gitagna sa Australia niadtong Lunes nga sa unang higayon, molapas ang gidaghanon sa mga namatay kaysa mga natawo sa 2060s, usa ka kausaban sa populasyon nga adunay dakong epekto sa ekonomiya nga nag-atubang sa nagkatigulang nga populasyon, nagkunhod nga pagpanganak ug pagkunhod sa immigration.

Sulod sa mga dekada, napadayon sa Australia ang pagtubo sa populasyon pinaagi sa immigration aron mapun-an ang ubos nga birth rates. Apan tungod sa paghinay karon sa immigration, nagsugod na ang nasod sa pagsunod sa dalan nga naagian na sa daghang advanced economies lakip ang Japan, Germany ug South Korea, diin mas daghan na ang mga namatay kaysa mga natawo.

Sa Intergenerational Report nga gipatik niadtong Lunes, giila sa Treasury department ang AI, geopolitical fragmentation, energy transition, nagkatigulang nga populasyon ug pagbalhin ngadto sa service-based economy isip lima sa labing dakong kausaban nga makaapekto sa economic outlook sa nasod sulod sa sunod upat ka dekada.

Gilauman karon nga mohinay ngadto sa 0.9% kada tuig ang pagtubo sa populasyon sulod sa sunod upat ka dekada samtang nagkunhod ang fertility rates ug padayon nga moubos sa dili pa mo-stabilize ang net overseas migration — ang kalainan tali sa gidaghanon sa mga migranteng mosulod ug mga tawo nga mobiya sa nasod. Mas ubos kini kumpara sa average nga 1.4% nga pagtubo sulod sa miaging 40 ka tuig.

“Australia’s population will age more quickly and grow more slowly than projected,” matod sa Treasury sa report. “Deaths are projected to outnumber births by the 2060s – the first time this has been forecast in an IGR – at which point natural increase will no longer be a driver of population growth.”

Gipahugtan sa left-leaning Labor government ang immigration rules sa miaging semana, samtang naningkamot si Prime Minister Anthony Albanese nga atubangon ang pagsaka sa suporta alang sa right-wing populist One Nation party nga misaad nga dakong pakunhuran ang immigration.

Miubos karong semanaha ang approval rating ni Albanese ngadto sa labing ubos nga lebel sukad nahimo siyang prime minister niadtong 2022.

Gipasidan-an usab sa report nga ang nagkatigulang nga populasyon mopataas sa panginahanglan sa care services, diin ang mga rehiyon nga adunay mas daghang tigulang mahimong makasinati og mas dakong kakulang sa mga trabahante sa healthcare ug aged care, mga sektor nga nagsalig pag-ayo sa migrant workers.

Gipakita usab sa report ang posibleng tax cuts sa umaabot nga mga budget samtang naghatag ang Labor og dugang nga cost-of-living relief sa mga Australian nga nag-atubang sa taas nga inflation, mas taas nga mortgage rates ug mahal nga housing. -Ato ni Bai