Kahimtang sa panglawas ni kanhi Presidente Duterte dili na rason sa paglangan sa trial sa Nobyembre 30

Gipahayag sa usa ka independent civilian group nga ang desisyon sa International Criminal Court (ICC) nga si kanhi Presidente Rodrigo Duterte angayan nang moatubang sa trial nagtangtang sa “last obstacle” alang sa iyang hearing sa Nobyembre 30, tungod kay dili na mahimong rason sa paglangan sa mga proseso sa korte ang isyu sa iyang kahimtang sa panglawas.

“The ruling means Duterte will answer the charges against him, and the families of those killed during his antidrug campaign will finally see the evidence laid out in open court,” matod ni Truth Commission spokesperson ug commissioner Carlos Conde sa usa ka pahayag niadtong Biyernes.

“An independent panel of experts agreed unanimously that he understands the case and can help his lawyers defend him, so his health can no longer be used as a reason for delay,” dugang niya.

Gipagawas sa ICC Trial Chamber III ang desisyon niadtong Setyembre 28, base sa mga nakaplagan sa usa ka panel sa medical experts nga miingong wala silay nakitang ebidensiya nga nagkagrabe ang mental nga kahimtang o nagkaluya ang abilidad ni Duterte sa panghunahuna.

Dugang sa panel, ang kinatibuk-ang pisikal nga kahimtang sa panglawas ni Duterte “appears to have been optimized” ug nakamatikod sila og “apparent improvement” sa iyang panglawas sukad sa ilang miaging taho.

Matod ni Conde, ang trial usa ka kahigayonan aron hingpit nga matino ang mga nahitabo atol sa mga operasyon batok sa ilegal nga droga sa Pilipinas, nga iyang gipasiugda nga ang “record will matter long after a verdict is reached.”

-Ato ni Bai