Indonesian Rights Body Nanawagan sa Pagsusi sa Pagkahilo sa 2,000 Estudyante

TANA TORAJA, Indonesia - Giawhag sa labing taas nga human rights body sa Indonesia ang kapulisan niadtong Biyernes nga imbestigahan ang pipila ka bag-ong kaso sa pagkahilo sa pagkaon nga nalambigit sa pangunang programa ni President Prabowo Subianto nga naghatag og libreng pagkaon sa mga estudyante, nga maoy nakapasakit sa 2,000 ka tawo karong semanaha.

Sa managlahing mga kaso sa labing menos tulo ka dagkong isla sa Indonesia, kapin 2,000 ka estudyante ug magtutudlo ang nasakit human mokaon sa paniudto nga gihatag sa gobyerno isip kabahin sa programa nga gilunsad ni Prabowo niaging tuig aron wagtangon ang malnutrition.

"Rights to food, especially safe-to-consume food, are human rights," matod sa independenteng human rights body sa Indonesia nga nailhang Komnas HAM sa usa ka pahayag.

"Without a rigorous sanitation standard ... the nutrition intervention that the state is doing will lose its moral legitimacy," matod niini.

Nanawagan ang Komnas HAM sa kapulisan nga maglunsad og imbestigasyon sa mga kaso sa pagkahilo, apan wala kini naghatag og dugang detalye. Wala dayon mitubag ang National Police sa hangyo alang sa komento.

Giawhag usab sa human rights group ang National Nutrition Agency, nga nagdumala sa programa, nga temporaryong ipahunong ang mga kusina nga giingong responsable sa mga kaso sa pagkahilo.

Mga 170 ka estudyante ug magtutudlo sa Tana Toraja sa South Sulawesi ang nasakit usab human mokaon sa libreng pagkaon niadtong Huwebes, matod ni local government head Zadrak Tombeg. Nahitabo kini human sa kapin 1,700 ka kaso nga natala sa mga probinsya sa Central Java, East Java, ug West Sumatra.

Laing 256 ka estudyante sa usa ka lugar sa East Java ang nasakit usab human mokaon sa maong pagkaon karong semanaha, sumala sa report sa news website nga CNN Indonesia niadtong Biyernes.

Gitakdang maghimo og press conference ang ahensyang nagdumala sa programa niadtong Biyernes, apan giuswag kini nga walay gihatag nga rason o bag-ong oras.

Wala dayon mitubag ang ahensya sa hangyo alang sa komento, apan miingon niadtong Huwebes si agency head Sudaryono nga seryosong atubangon ang mga kaso sa pagkahilo.

Hangtod Setyembre 1, 50,000 ka tawo ang naapektuhan sa pagkahilo sa pagkaon, matod ni lawmaker Charles Honoris niadtong Miyerkules, nga mikutlo sa datos sa health department. Ang pipila ka nangaging kaso gipasanginlan sa dili hustong pagtipig sa pagkaon ug ulahing paghatod sa nalutong pagkaon.

Nagkagamay ang suporta sa publiko sa programa ni Prabowo, diin usa lamang sa matag tulo ka Indonesian nga gi-survey niadtong Hulyo ang nagpahayag nga kontento sila sa programa, matod sa pollster nga Saiful Mujani Research and Consulting. Daghang respondents ang mitumbok sa mga kaso sa pagkahilo isip hinungdan.

Miingon si Ester Patandung, kansang anak naospital sa Tana Toraja, ngadto sa Reuters, "My hope as a parent is for the central or regional government to cancel the free meal programme."

-Ato Ni Bai