Indian Pilot Gidayeg Isip Bayani Human Maluwas ang mga Pasahero Bisan Gidunggab

Gidayeg sa mga lider sa Israel ug India isip bayani ang Indian pilot nga si Smit Machchhar tungod sa pagluwas sa mga pasahero human siya dunggaba sa iyang kauban nga piloto sa giingong pagsulay nga ipabangga ang usa ka flydubai plane niadtong Miyerkules.

Luwas nga nakaabot sa Israel ang mga pasahero sa flight niadtong Miyerkules human napakyas sa mga pasahero ug crew ang pagsulay sa co-pilot nga ipabangga ang eroplano, matod sa mga opisyal sa Israel. Nagsugod ang panagbangi sa dihang gidunggab niya ang pilot ug kalit nga gipaubos ang jet og dul-an sa 14,000 feet (4,267 m) sulod sa wala pay 30 segundos.

Naligo sa dugo si Machchhar samtang naghigda sa salog sa dihang nakahimo siya sa pagpislit sa release aron maablihan ang pultahan sa cockpit, matod sa spokesperson ni Israeli Prime Minister Benjamin Netanyahu ngadto sa Reuters. Tungod niini, nakasulod ang mga pasahero ug crew ug napugngan ang co-pilot, samtang ang laing duha ka flydubai pilots nga sakay sa eroplano nakapalupad ug nakapa-landing sa jet sa Tabuk, Saudi Arabia.

“He saved the lives of 174 people, including Israeli citizens and other nationals,” matod ni Netanyahu sa usa ka post sa X. “All passengers are out of harm’s way,” matod usab niya sa naunang video statement nga gipagawas sa iyang opisina.

Sa usa ka post sa X sayo niadtong Huwebes, gidayeg ni Indian Prime Minister Narendra Modi si Machchhar ug gitawag siyang “hero”.

“In the face of the gravest danger and despite being seriously injured, he showed immense courage and an unwavering resolve to protect the lives of others. His valour helped save hundreds of lives and avert a great tragedy,” matod ni Modi.

Miingon ang Indian authorities sa Saudi Arabia nga nakadawat si Machchhar sa gikinahanglang pag-atiman sa usa ka ospital sa northwestern city sa Tabuk ug nakig-alayon sila sa iyang pamilya ug sa Saudi authorities aron mahatag ang tanang posibleng tabang.

Gikatahong stable ang iyang kahimtang, matod sa Indian embassy sa Saudi Arabia sa usa ka post sa X.

Si Machchhar, nga taga-Mumbai, ang sentro sa pinansyal nga kalihokan sa India, gioperahan human sa insidente, sumala sa taho sa Indian newspaper nga Hindustan Times.

Sumala sa iyang LinkedIn profile, nagtrabaho si Machchhar sa India’s SpiceJet SPJT.BO airline sulod sa kapin 11 ka tuig sa wala pa mibalhin sa flydubai.

Wala pa maklaro ang hinungdan sa panagbangi tali sa duha ka piloto. Miingon ang flydubai sa usa ka pahayag nga wala pa mahibaloi ang hinungdan sa insidente ug mipasidaan batok sa “premature speculation.” Gisuspenso usab niini ang mga flight padulong ug gikan sa Israel samtang nagpadayon ang imbestigasyon.

Gihulagway ni Netanyahu ang nahitabo isip “a highly severe security incident”, ug miingon nga imbestigahan sa Saudi authorities ang co-pilot sa flydubai FZ1073, nga nagbiyahe gikan sa United Arab Emirates padulong sa Israel. -Ato ni Bai