Iceland maghisgot sa pagdili sa whale hunting, Norway ug Japan posibleng mabilin

COPENHAGEN - Magsumite ang gobyerno sa Iceland og bill sa Pebrero bahin sa whale hunting nga posibleng magdili niini, usa ka lakang nga mahimong magbilin sa Norway ug Japan isip duha na lang ka nasod sa kalibotan nga magpadayon sa commercial whaling.

Sulod sa daghang tuig, nakapukaw og mga protesta gikan sa animal welfare campaigners ug Hollywood celebrities ang whale hunting sa Iceland.

Gikonsiderar sa gobyerno ang posibleng mga paagi sa pag-update sa whaling law niini, nga adunay partikular nga pagtagad sa posibilidad nga permanenteng idili ang whale hunting, matod sa gobyerno, nga adunay mayorya sa parliament, sa website niini niadtong Miyerkules sa gabii.

Niining tuiga nga hunting season, nga nagsugod sa Hunyo ug molungtad hangtod sa hapit katapusan sa Setyembre, 80 ka fin whale ang nadakpan hangtod Setyembre 9, sumala sa Humane World for Animals, usa ka animal welfare group nga nagmonitor sa mga nadakpan. Gitugotan sa quota nga mapatay ang 150 ka fin whale karong tuiga.

"There is considerable political and public support for this bill to ban commercial whaling, and compelling ethical, veterinary, legal and conservation reasons to hope it succeeds," matod ni Wendy Higgins, spokesperson sa Humane World for Animals.

Ang fin whales, nga maoy pangunang target sa whaling industry sa Iceland, giklasipikar sa International Union for Conservation of Nature isip vulnerable.

Niadtong 2024, nag-isyu ang interim government sa Iceland og five-year license sa nahibilin na lamang nga whaling company sa nasod.

Iceland, Norway ug Japan lamang ang naghimo og commercial whaling sa bag-ohay nga mga tuig, sumala sa catch list sa International Whaling Commission.

Gipadayon pag-usab sa Norway ang commercial whaling niadtong 1993 ug sa Iceland niadtong 2006, bisan pa sa international moratorium nga nagsugod niadtong 1986 aron mapanalipdan ang populasyon sa mga whale.

Mibiya ang Japan sa International Whaling Commission niadtong 2019 ug gipadayon ang commercial whaling sulod sa territorial waters ug exclusive economic zone niini.

Gitugotan sa moratorium ang indigenous peoples sa pipila ka bahin sa kalibotan, sama sa Greenland ug Alaska, nga mangayam og whale tungod kay importante ang mga produkto gikan niini sa ilang pagkaon ug kultura.

-Ato ni Bai