Hapit 6.52 Million Katawo Apektado sa Daotang Panahon; 29 Kamatayon Gipamatud-an Pa

Misaka ngadto sa hapit 6.52 million ka tawo ang naapektuhan sa hiniusang epekto sa tropical cyclones Luis ug Maymay ug sa padayong southwest monsoon (habagat), samtang misaka ngadto sa 29 ang gitahong nangamatay, sumala sa Office of Civil Defense (OCD).

Sa mensahe ngadto sa mga reporters, miingon si OCD public information officer Diego Mariano nga ang mga naapektuhan sa daotang panahon anaa na sa mga 1.82 million ka pamilya nga nagpuyo sa Ilocos Region, Cagayan Valley, Central Luzon, Calabarzon, Mimaropa, Bicol Region, Western Visayas, Eastern Visayas, Zamboanga Peninsula, Cordillera ug National Capital Region.

Mga 628 ka evacuation centers ang kasamtangang nagpasilong sa mga 13,957 ka pamilya, o anaa sa 47,277 ka tawo.

Miingon usab si Mariano nga 1,882 ka balay ang nadaot samtang 226 ka balay ang hingpit nga naguba.

Gibanabana nga miabot sa mga PHP4.6 billion ang kadaot sa imprastraktura, samtang gibanabana sa PHP1.4 billion ang kadaot sa agrikultura.

Miabot sa 29 ang gitahong nangamatay nga gipamatud-an pa—15 sa Benguet, tag-upat sa Rizal ug Batangas; duha sa Caloocan; ug tag-usa sa La Union, Quezon, Oriental Mindoro, ug Negros Occidental.

Miingon ang OCD nga 19 ka tawo ang gitahong nasamdan samtang tulo ang missing.

Siguroha ang kaluwasan sa mga responder, mando sa police commanders

Samtang, gimandoan ni Philippine National Police (PNP) chief Gen. Jose Melencio Nartatez Jr. niadtong Huwebes ang tanang police commanders nga bantayan ang kaayohan sa ilang mga personnel pinaagi sa paghatag og importanteng support systems, ilabina panahon sa deployment alang sa disaster response tali sa kusog nga ulan nga dala sa monsoon.

“Each and every PNP personnel deployed for disaster response has family too and as commanders, we have to make sure that they are taken care of in order for them to go home safely,” matod niya sa usa ka pahayag.

Gihatag ang maong mando samtang nagpadayon ang rescue, relief, ug public assistance operations sa mga pulis sa mga komunidad nga naapektuhan sa gikusgang southwest monsoon o ‘habagat’.

Kapin 600 ka police officers ang gipadala aron motabang sa mga residente nga naapektuhan sa ulan ug pagbaha. Nagpadayon usab ang mga pulis sa pagtabang sa mga na-stranded nga commuters pinaagi sa libreng sakay sa mga lugar nga naapektuhan sa baha.

Gimandoan usab sa PNP chief ang paghatag og tabang sa mga personnel kansang mga pamilya naapektuhan sa grabeng pagbaha.

“We will also provide psychosocial support for our men, especially those whose families have also been affected by the massive floods brought by torrential rains,” matod ni Nartatez.

-Ato ni Bai