Hapit 2.4 Milyon ka Botante Mobotar sa Unang BARMM Parliamentary Elections

At stake ang 80 ka lingkoranan samtang ipahigayon sa Bangsamoro Autonomous Region in Muslim Mindanao (BARMM) ang unang parliamentary elections niini karong Lunes, usa ka dakong lakang sa pagbalhin sa rehiyon ngadto sa usa ka piniling parlamento.

Sa 80 ka lingkoranan, 40 ang igahin alang sa Regional Parliamentary Political Party (RPPP), samtang ang nahibiling 40 maglangkob sa 32 ka piniling parliamentary district representatives ug walo ka parliamentary sectoral representatives.

Mokabat sa 2,393,202 ka rehistradong botante ang mobotar alang sa usa ka parliamentary district representative, usa ka parliamentary political party ug unom ka parliamentary sectoral organizations nga nagrepresentar sa settler communities, kababayen-an, kabatan-onan, ulama ug traditional leaders.

Miingon si Commission on Elections (Comelec) Chairperson George Garcia nga ang eleksyon maoy pagpadayon sa pakigbisog sa Bangsamoro alang sa kaugalingong pagdumala pinaagi sa proseso sa kalinaw.

“These elections stand on generations of Bangsamoro struggle for homeland, identity and self-determination, in the face of dispossession, marginalization, conflict, and sacrifice. That struggle ultimately found a political path through the peace process, which bound both the Bangsamoro and the national government to the difficult but necessary work of building meaningful self-government,” matod niya sa usa ka pahayag niadtong Domingo.

“The election before us carries that history forward: Institutions borne of struggle, negotiation and transition will now pass into the hands of representatives entrusted with the people’s mandate through the ballot.”

Giawhag ni Garcia ang mga botante, kandidato ug political parties nga motabang aron maseguro ang malinawon ug hapsay nga eleksyon.

“Let every voter cast their ballot freely and without fear, and may every candidate and political party conduct themselves with restraint, respect for the process, and a shared commitment to preserving the safety of all,” matod niya.

Ang pagboto magsugod alas 7 sa buntag hangtod alas 7 sa gabii, samtang ang senior citizens, mga mabdos ug persons with disabilities hatagan og sayong panahon sa pagboto gikan alas 5 hangtod alas 7 sa buntag. Mahimo usab silang mobotar sa regular nga oras kung dili sila makabotar og sayo.

Gamiton sa eleksyon ang automated counting machines (ACMs) nga gigamit kaniadto sa May 2025 midterm elections.

Volunteers

Samtang, miingon ang Parish Pastoral Council for Responsible Voting (PPCRV) nga magpadala kini og mga 4,000 ka volunteers sa BARMM, lakip ang mga 1,000 nga moapil sa dili opisyal nga parallel count niini.

“We are also involved in the RMA (Random Manual Audit) in Davao. We have command centers in BARMM and also one in the PPCRV - AMA Command Center in Makati City,” matod ni Ana Singson, PPCRV national communications director, sa usa ka pahayag.

Ipahigayon sa PPCRV ang dili opisyal nga parallel count niini gikan Setyembre 17 hangtod 22.

Pagpalit og boto?

Samtang, gimandoan sa Comelec-Committee on Kontra Bigay (anti-bribery) si kanhi Comelec chairperson ug parliamentary district representative candidate Sheriff Abas sa First District sa Cotabato City nga mopasabot bahin sa usa ka social media post nga naglambigit kaniya sa pagpalit og boto.

Ang mando nga gipetsahan og Setyembre 12 naghatag kang Abas og 24 oras nga dili na mahimong palugwayan gikan sa iyang pagkadawat sa show-cause order aron ipasabot pinaagi sa sinulat “why a complaint for election offense and/or petition for disqualification should not be filed” batok kaniya.

Naggikan ang kaso sa usa ka Facebook post nga nag-alegar og abanteng pagpalit og boto ug nagpakita og sample ballot nga adunay ngalan ni Abas, uban sa tulo ka PHP1,000 nga kwarta. -Ato ni Bai