Habagat Magdala og Ulan sa Luzon

Magpadayon ang pag-ulan sa Luzon tungod sa nagpatigbabaw nga “habagat” o southwest monsoon, matod sa weather bureau niadtong Sabado.

Sa alas-4 sa buntag nga bulletin niini, miingon ang Philippine Atmospheric, Geophysical and Astronomical Services Administration (PAGASA) nga magdala og ulan ang habagat sa Occidental Mindoro.

Gipasidan-an ang mga residente sa posibleng flash flood o landslide tungod sa kusog hangtod grabeng ulan.

Samtang, makasinati og panagsang ulan tungod sa southwest monsoon ang Metro Manila, Zambales, Bataan, Tarlac, Pampanga, Bulacan, Rizal, Cavite, Laguna, Batangas, Oriental Mindoro, ug Antique.

Gipasidan-an sa PAGASA nga posibleng mahitabo ang flash flood o landslide niining mga lugara tungod sa kasarangan hangtod kusog nga ulan.

Magdala usab ang southwest monsoon og nagkatag nga ulan ug thunderstorm sa Ilocos Region, Bicol Region, nahibiling bahin sa Central Luzon, nahibiling bahin sa Calabarzon, nahibiling bahin sa Mimaropa, nahibiling bahin sa Western Visayas, Abra, Benguet, ug Northern Samar.

Miingon ang PAGASA nga posibleng makasinati kining mga lugara og flash flood o landslide tungod sa kasarangan ug usahay kusog nga ulan.

Ang nahibiling bahin sa Luzon ug Visayas makasinati og nagkatag nga pag-ulan o thunderstorm tungod sa habagat, samtang makasinati usab ang Mindanao sa susamang panahon tungod sa localized thunderstorms.

Makasinati ang tibuok nasod og hinay hangtod kasarangang hangin ug gamay hangtod kasarangang balod sa kadagatan.

Samtang, padayon nga gibantayan sa PAGASA ang usa ka tropical cyclone sa gawas sa Philippine Area of Responsibility (PAR).

Alas-3 sa buntag, nahimutang ang tropical depression 1,685 km. sa east-northeast sa extreme Northern Luzon, nga adunay sustained winds nga 55 kph ug gustiness nga 70 kph. Nagpadulong kini sa amihanan sa gikusgon nga 35 kph.

-Ato Ni Bai