Greenland ug Antarctica Nawad-an og 11.3 Trillion Tons nga Yelo Sukad 1979

Nadokumento sa bag-ong panukiduki nga gibase sa datos sa satellite sukad pa sa dekada 1970 ang dakong pagkawala sa yelo sa Greenland ug Antarctica—diin nahimutang ang duha ka dagkong ice sheets sa Yuta—nga nakatampo sa pagsaka sa lebel sa dagat sa tibuok kalibotan.

Nawad-an ang Greenland ug Antarctica og hiniusang 11.3 trillion tons nga yelo tali sa 1979 ug 2023, sumala sa datos gikan sa 27 ka satellite missions, nga nakadugang og 1.24 inches (3.14 cm) sa pagsaka sa lebel sa dagat sa tibuok kalibotan.

Gihimo sa Ice Sheet Mass Balance Inter-comparison Exercise team, usa ka internasyonal nga grupo sa mga siyentista sa polar regions, ang pagtuon gamit ang pinakataas nga rekord sa satellite data bahin sa mga kausaban sa ice sheets nga nakolekta sukad aron mahatag ang labing kompleto nga pagsusi hangtod karon sa pagkawala sa yelo sa Greenland ug Antarctica.

Matod sa mga tigdukiduki, ang mga findings naghatag og bag-ong ebidensya sa mga epekto sa global climate change nga gipahinabo sa kalihokan sa tawo.

“To put this very large number into context, 11.3 trillion tons of ice is enough ice to fill in a cube that would be 23 kilometers (14.3 miles) in height,” matod ni climate scientist Inès Otosaka sa Northumbria University sa England, ang lead author sa pagtuon nga gipatik niadtong Miyerkules sa journal nga Scientific Data.

Sa pagkawala sa yelo nga nadokumento sa pagtuon, mga 60% ang gikan sa Greenland ug 40% gikan sa Antarctica, bisan og mga usa lamang sa walo ka bahin sa gidak-on sa Antarctica ang Greenland.

“When ice sheets melt, they contribute to rising global sea levels. And with every additional centimeter of sea-level rise, about 2 to 3 million people are put at risk of annual coastal flooding. The ice sheets are now a major driver of sea-level rise, accounting for about 25% of all sea-level rise,” matod ni Otosaka.

“We have extended our satellite data record backwards in time to the 1970s, and this confirms that ice losses started in the 1990s and have increased since then. Our assessment shows that the pace of ice loss increased by a factor of four between the 1980s and 2010s,” matod ni Otosaka.

Nadokumento sa pagtuon ang paghinay sa pagkawala sa yelo tali sa 2020 ug 2023, apan matod sa mga tigdukiduki, daw hamubo lamang kini nga kausaban ug dili pagbalikwas sa dugay nang dagan. Ang talagsaong kadaghan sa niyebe sa East Antarctica nakahatag og igong yelo aron mabawi ang pipila sa nawala gikan sa mga glacier sa ubang bahin sa Antarctica, samtang ang medyo dili kaayo init nga ting-init sa Greenland nakapakunhod pag-ayo sa pagkatunaw sa yelo sa ibabaw, matod nila.

Mga 84% sa nawalang yelo naggikan sa mga glacier nga mas paspas nga midagayday ngadto sa dagat imbis nga gikan sa pagkatunaw sa yelo sa ibabaw, nga nagpakita nga ang dugay nang dagan gipahinabo sa reaksyon sa mga ice sheet sa nagkainit nga kadagatan, matod ni Otosaka.

Miingon ang mga tigdukiduki nga ang kinatibuk-ang pagsaka sa lebel sa dagat tungod sa pagkawala sa yelo sa Greenland ug Antarctica mahimong dili paminawon nga dako, apan nagbutang kini og dugang 6 hangtod 9 million ka tawo sa peligro sa pagbaha ug pagkankan sa mga baybayon sa tibuok kalibotan.

“These findings have implications for coastal planning, showing that we urgently need to develop plans for protecting coastal communities around the world from the impact of ice sheet melting,” matod ni Otosaka.

-Ato ni Bai