Gobyerno sa Pilipinas, Gipasalig nga Walay Gilaum nga ‘Dam Collapse’ Bisan sa Padayong Kusog nga Ulan

Gipanghimakak sa National Irrigation Administration (NIA) ang mga alegasyon nga adunay “potential collapse” sa mga dam sa nasud tungod sa padayong kusog nga ulan.

Atol sa Bagong Pilipinas Ngayon briefing, gipakalma ni NIA Administrator Eduardo Guillen ang mga kabalaka tali sa mga espekulasyon nga mikaylap online.

Miingon siya nga dili tinuod ang maong mga social media posts ug gamay ra kaayo ang posibilidad nga mahitabo kini tungod sa kalig-on sa mga water reservoir structures, ilabina sa Magat ug Pantabangan dams.

“Hindi po, kasi alam ninyo naman, marami pa pong mas malalakas na pag-ulan ang pinagdaanan ng ating mga dams,” matod ni Guillen.

“Itong Magat at Pantabangan, mahigit 50 years na at sa awa naman ng Diyos ay maayos naman po.”

Kanunay usab nga gisusi ug gi-assess pag-ayo sa gobyerno ang structural integrity sa maong mga dam aron masiguro ang kaluwasan bisan panahon sa daotang panahon.

“Regular naman po iyong aming monitoring sa ating mga dams, iyong maintenance and operations natin,” matod ni Guillen.

Gipasiugda usab sa NIA chief nga bisan mosobra ang tubig sa mga dam tungod sa kusog nga ulan nga dala sa monsoon, mapuslanon gihapon sa irrigation system sa nasud ang daghang natigom nga tubig ilabina sa dili pa ang grabeng El Niño.

“Lampas na tayo sa critical level. Sabi ko nga, marami ng mapapatubigan ito, sabi ko doon sa mga tao ko,” matod ni Guillen.

“But, anyway, iyong Pantabangan Dam may around 30 meters pa po na hindi mapuno ‘no, at itong Magat around 10 meters pa.”

Gipasalig usab ni Guillen nga naggamit sila og bag-ong mga pamaagi aron mapadayon ang hugot nga pagbantay sa mga dam pinaagi sa artificial intelligence (AI).

“May ginagamit po ang NIA ngayon, iyong artificial intelligence sa weather forecasting, ano po. So, two weeks prior po na bumagsak iyong ulan, alam na po ng NIA, may estimate na po ng NIA kung ilan ang babagsak doon sa ating catchment area,” matod niya.

“Kung susobra iyong tubig, nagre-release na ho tayo ng —pre-release ng tubig, ano. Kaya ho malaking tulong talaga ito sa flood control.”

Hangtod alas-8 sa buntag niadtong Huwebes, ang lebel sa tubig sa Magat Dam anaa sa 178.73 meters above sea level (masl), nga gamayng mas taas kumpara sa 178.34 masl niadtong Agosto 19, sumala sa Department of Science and Technology-Philippine Atmospheric, Geophysical and Astronomical Services Administration.

Samtang, natala sa 188.94 masl ang water level sa Pantabangan Dam, mas taas kumpara sa 188.31 masl niadtong Lunes.

Una nang miingon ang NIA nga wala pay natala nga spill discharge sa Pantabangan Dam ug Magat Dam.