%20(100%20x%20100%20px).png)
Gobyerno nag-andam og tabang sa edukasyon ug panginabuhian para kang Mary Jane Veloso
Gikonektar sa Department of Migrant Workers (DMW) si Mary Jane Veloso sa mga ahensiya sa gobyerno nga adunay mga programa nga makatabang kaniya nga makapadayon sa pag-eskwela ug makapangita og panginabuhian samtang nagtukod pag-usab sa iyang kinabuhi uban sa iyang pamilya sa Nueva Ecija.
Ato ni Bai
October 6, 2026 at 9:33:34 AM
FILE PHOTO: Mary Jane Veloso arrived in the Philippines after nearly 15 years of detention in Indonesia. Overseas Filipino Worker Mary Jane Veloso was repatriated to the Philippines from Indonesia on December 18, 2024, after nearly 15 years of detention for allegedly committing drug trafficking and being sentenced to death by firing squad. Upon arrival at Ninoy Aquino International Airport, she was transferred to the Correctional Institution for Women in Mandaluyong City, Philippines, where she was greeted by her family and loved ones. She will remain at the facility while awaiting a decision from President Ferdinand Marcos Jr. regarding the appeal for clemency made by her counsel and family members. Mary Jane Veloso in black with her family members.
Reuters / DeoxMontesclarosx
Gikonektar sa Department of Migrant Workers (DMW) si Mary Jane Veloso sa mga ahensiya sa gobyerno nga adunay mga programa nga makatabang kaniya nga makapadayon sa pag-eskwela ug makapangita og panginabuhian samtang nagtukod pag-usab sa iyang kinabuhi uban sa iyang pamilya sa Nueva Ecija.
Matod ni Migrant Workers Secretary Hans Leo Cacdac sa usa ka pahayag niadtong Domingo, nakig-alayon ang DMW, pinaagi sa National Reintegration Network (NRN), alang sa psychosocial support, edukasyon ug tabang sa panginabuhian ni Veloso samtang nagpahiangay siya sa iyang pagbalik sa pamilya ug komunidad.
“Tutulungan natin si Mary Jane na makapag-adjust at makapagsimulang muli,” matod ni Cacdac.
Matod ni Cacdac, gibisita na si Veloso sa Department of Education (DepEd) Division of Nueva Ecija aron tabangan siyang makapadayon sa iyang pag-eskwela pinaagi sa Alternative Learning System (ALS).
Gipaambit ni Schools Division Superintendent Ericson Sabacan nga nag-eskwela si Veloso samtang napriso ug naghulat sa pardon.
“Malaki ang hangarin niyang matuto, kaya buo ang suporta ng ating mga ALS teachers,” matod niya.
Alang sa panginabuhian, matod ni Cacdac, nakigtambayayong ang DMW sa Department of Trade and Industry (DTI) aron mogiya kang Veloso sa negosyo nga gusto niyang sugdan ug tabangan siya sa mga lakang nga gikinahanglan aron masugdan kini.
Naghatag usab og pinansiyal nga tabang ang Department of Social Welfare and Development (DSWD) ug padayon nga nagtabang sa pamilya Veloso pinaagi sa mga social worker niini.
Samtang, matod ni General Mamerto Natividad Mayor Larry Ponce, nagtabang usab ang lokal nga gobyerno kang Veloso sa iyang pagbalik ug pagpahiuli sa iyang kinabuhi sulod sa komunidad.
“Masaya kaming nakauwi na si Mary Jane, kaya’t inaasikaso namin ang maayos at ligtas niyang pagbabalik dito sa Natividad,” matod ni Ponce. -Ato ni Bai