Duha Patay Unom Nasamdan sa Missile Attack sa Russia sa Kyiv

Giatake sa Russian forces pinaagi sa ballistic missiles sayo niadtong Huwebes ang Kyiv, kapital sa Ukraine, nga nakapatay og duha ka tawo ug nakapasamad og unom samtang nangahulog ang mga debris sa pipila ka distrito, matod ni Mayor Vitali Klitschko.

Sa iyang gisulat sa Telegram messaging app, matod ni Klitschko nga usa sa mga namatay didto sa parking lot sa usa ka maternity hospital. Tulo sa unom ka nasamdan mga medical personnel ug duha kanila anaa sa seryosong kahimtang. Nadaot ang bahin sa facade sa hospital, ingon man ang duol nga clinic.

Nangahulog ang mga debris sa tulo ka distrito sa kapital ug matod ni Klitschko nga naguba usab ang bahin sa usa ka pinuy-anan.

“In the Dniprovskyi district, debris fell into the yard of a private property,” gisulat ni Klitschko. “People may be trapped under rubble”. Giawhag niya ang mga residente nga magpabilin sa mga shelter.

Matod sa military administration sa Kyiv, nadaot ang usa ka 16-storey residential building, uban sa mga pribadong balay.

Gikondena ni Ukrainian President Volodymyr Zelenskiy ang bag-ong Russian missile attack ug miingon nga nagbalik-balik ang mga pag-atake tungod sa kakulang sa pressure batok sa Moscow.

“Every such attack occurs because the pressure on the aggressor has not become total and Russia believes it can continue to rely on ballistic terror,” gisulat ni Zelenskiy sa Telegram samtang mitambong sa UN General Assembly sa New York.

Matod niya, nahitabo ang pag-atake samtang iyang gihisgutan uban sa mga miyembro sa US Congress ang bag-ong giaprobahang Lindsey Graham Russia sanctions law.

“Right now, the United States has the opportunity to respond strongly. We need ballistic interceptors to protect lives. We need to implement sanctions against Russia and those who help it earn money,” dugang niya sa messaging app.

Matod sa mga saksi sa Reuters, nadungog ang pipila ka pagbuto human sa alas 1:00 sa kadlawon sa lokal nga oras. Gipakita sa mga dili opisyal nga Telegram channels ang gihulagway nga sunog nga nagdan-ag sa kapunawpunawan.

Gipadayon sa Russian forces ang mga pag-atake sa siyudad sa kadaghanan sa adlaw niadtong Miyerkules, nga nakapatay og duha ka tawo ug nakapasamad og 45, sumala kang Klitschko.

Sa Black Sea port sa Odesa, matod ni Serhiy Lysak, head sa military administration sa siyudad, sa Telegram nga nadaot sa Russian strikes sa kagabhion ang mga pinuy-anan ug mga institusyong medikal ug pang-edukasyon. Wala siya mohatag og dugang detalye. -Ato ni Bai