Duha ka Tawo Nasamdan sa Pagbuto Duol sa Train Station sa Germany

Nasamdan ang duha ka tawo human mibuto ang wala pa mailhing butang duol sa usa ka train station sa habagatang siyudad sa Augsburg sayo sa Miyerkules, matod sa German police, nga midugang nga minor injuries ang naangkon sa duha ka nangagi nga nag-edad og 17 ug 18.

Nahitabo ang pagbuto sa agianan sa usa ka building, matod sa Bavaria state police, nga midugang nga Ukrainian citizens ang duha ka nasamdan.

Pipila ka oras ang milabay, gisirhan ang main train station sa siyudad human nakit-an didto ang laing kadudahang butang, apan mibalik ang operasyon sa mga tren sa ulahing bahin sa buntag.

Gitaho sa news outlet nga Bild nga sayo sa buntag, mibuto ang usa ka hand grenade atubangan sa usa ka jewellery store ug dayag nga dili ang train station mismo ang target.

Matod sa usa ka police spokesperson, dili pa klaro ang mga detalye bahin sa explosive device.

Ang Augsburg usa ka regional transport hub nga nahimutang mga 55 kilometres (35 miles) sa amihanan-kasadpan sa Munich.

-Ato Ni Bai