top of page
Bai (150 x 150 px) (100 x 100 px).png

Duha ka sistema sa panahon magdala og ulan sa pipila ka lugar sa Luzon

Makasinati og ulan ang pipila ka bahin sa Luzon karong Miyerkules tungod sa duha ka sistema sa panahon, matod sa Philippine Atmospheric, Geophysical and Astronomical Services Administration (PAGASA).

Cristina Arayata / Philippine News Agency; Gihubad ni Alex Destor, Ato ni Bai

October 29, 2026 at 3:27:28 AM

A photo of a woman using an umbrella.

A photo of a woman using an umbrella, courtesy of Wix.

Erik Witsoe / Unsplash via Wix

Makasinati og ulan ang pipila ka bahin sa Luzon karong Miyerkules tungod sa duha ka sistema sa panahon, matod sa Philippine Atmospheric, Geophysical and Astronomical Services Administration (PAGASA).


Magdala og katag-katag nga ulan ug panagsang pagpanugdog ug pagkilat ang shear line sa Aurora, Quezon, Oriental Mindoro, Marinduque, Camarines Norte, Camarines Sur, ug Catanduanes.


Posibleng hinungdan sa kalit nga pagbaha o pagdahili sa yuta ang kasarangan hangtod sa kusog nga ulan niining mga lugara.


Makasinati og hinay nga ulan ang Batanes, Apayao, Cagayan, ug Isabela, samtang ang Ilocos Region, ubang bahin sa Cordillera Administrative Region, Cagayan Valley, ug Central Luzon makasinati og panagsang hinay nga ulan tungod sa northeast monsoon o amihan.


Makasinati usab og panagsang pag-uwan tungod sa lokal nga pagpanugdog ug pagkilat ang Metro Manila ug ubang bahin sa nasod.


Gibanabana ang kasarangan hangtod sa kusog nga hangin ug kasarangan hangtod sa baloron nga kadagatan sa amihanang Luzon ug sidlakang bahin sa sentral ug habagatang Luzon.


Sa ubang lugar, hinay hangtod sa kasarangan ang hangin ug gamay hangtod sa kasarangan ang mga balod sa dagat.


Samtang niini, walay low pressure area nga gibantayan nga posibleng mahimong bagyo, matod sa PAGASA. -Cristina Arayata / Philippine News Agency; Gihubad ni Alex Destor, Ato ni Bai

bottom of page